କେବେ କେବେ ବୁଲ୍ଡୋଜର ବି ଓଲଟା ଚାଲେ : ଅଖିଳେଶ ଯାଦବ
ଲକ୍ଷ୍ନୌ ୨୦।୭: ଉତ୍ତରପ୍ରଦେଶ ମନ୍ତ୍ରିମଣ୍ଡଳର କେତେକ ମନ୍ତ୍ରୀ ବଦଳିରେ ଅନିୟମିତତାକୁ ନେଇ ଅସନ୍ତୁଷ୍ଟ ଥିବା ଜଣାପଡିଛି। ଯାହାକୁ ନେଇ ବିରୋଧୀ ଦଳ ନେତା ଅଖିଳେଶ ଯାଦବ ଯୋଗୀ ସରକାରଙ୍କୁ ଟାର୍ଗେଟ୍ କରିଛନ୍ତି। ଏଥିରେ ସେ ଏକ ଟ୍ୱିଟ୍ କରିଥିବା ବେଳେ କେବେ କେବେ ବୁଲ୍ଡୋଜର ବି ଓଲଟା ଚାଲିଥାଏ ବୋଲି ଉଲ୍ଲେଖ କରିଛନ୍ତି। କେବଳ ଏତିକି ନୁହେଁ ଅଖିଳେଶ ଟ୍ୱିଟ୍ରେ ଯୋଗୀଙ୍କ ମନ୍ତ୍ରୀ ଦିନେଶ ଖଟିକଙ୍କୁ ଇସ୍ତଫା ପରାମର୍ଶ ମଧ୍ୟ ଦେଇଛନ୍ତି।
ଯେଉଁଠି ମନ୍ତ୍ରୀ ହେଲେ ସମ୍ମାନ ତ ନାହିଁ ବରଂ ଦଳିତ ହୋଇଥିବାରୁ ଅପମାନ ମିଳେ ବୋଲି ଅଖିଳେଶ ଟ୍ୱିଟ୍ରେ ଉଲ୍ଲେଖ କରିବା ଏବେ ଚର୍ଚ୍ଚାକୁ ଖୋରାକ ଯୋଗାଇଛି। ଏଣୁ ଅଖିଳେଶ ଏପରି ଭେଦଭାବପୂର୍ଣ୍ଣ ବିଜେପି ସରକାରରେ ଅନ୍ତତଃ ନିଜ ସମାଜର ମାନ ରଖିବା ପାଇଁ ଇସ୍ତଫା ଦେଇଦେବା ଦରକାର ବୋଲି ଉଲ୍ଲେଖ କରିଛନ୍ତି। ଯୋଗୀ ସରକାରଙ୍କ ମନ୍ତ୍ରୀ ଦିନେଶ ଖଟିକଙ୍କ ଇସ୍ତଫା ସାମ୍ନାକୁ ଆସିବା ପରେ ଅଖିଳେଶ ଏହି ଟ୍ୱିଟ୍ କରିଛନ୍ତି।
