ଏସ୍.ୟୁ.ସି.ଆଇ.(କମୁ୍ୟନିଷ୍ଟ)ର ଦ୍ୱିତୀୟ ଅନୁଗୁଳ ଜିଲ୍ଲା ସମ୍ମିଳନୀ

ଅନୁଗୋଳ, ୧୨/୮ (ସକାଳଖବାର): ଭାରତବର୍ଷରେ ପ୍ରତିଷ୍ଠିତ ଶୋଷଣମୂଳକ ପୁଞ୍ଜିବାଦୀ ବ୍ୟବସ୍ଥାର ଉଚ୍ଛେଦ କରିବାର ସଂଗ୍ରାମକୁ ତ୍ୱରାନ୍ୱିତ କରିବା ଉଦେ୍ଧଶ୍ୟରେ ଏସ୍.ୟୁ.ସି.ଆଇ(କମୁ୍ୟନିଷ୍ଟ)ର ତୃତୀୟ ପାର୍ଟି କଂଗ୍ରେସ (ମହାସମ୍ମିଳନୀ) ଅନୁଷ୍ଠିତ ହେବାକୁ ଯାଉଛି । ଏହି ଅବସରରେ ଆଜି ଏସ୍.ୟୁ.ସି.ଆଇ(କମୁ୍ୟନିଷ୍ଟ)ର ଦ୍ୱିତୀୟ ଅନୁଗୁଳ ଜିଲ୍ଲା ସମ୍ମିଳନୀ ସ୍ଥାନୀୟ ଜିଲ୍ଲା କଳାକେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି । ସମ୍ମିଳନୀ ପ୍ରାରମ୍ଭରେ ପାର୍ଟିର ରକ୍ତପତାକା ଉତ୍ତୋଳନ, ସାମ୍ୟବାଦୀ ଆନେ୍ଦାଳନ ଓ ଗଣଆନେ୍ଦାଳନରେ ଶହୀଦ ମାନଙ୍କ ସ୍ମୃତିରେ ନିର୍ମିତ ଶହୀଦ ସ୍ତମ୍ଭ ଏବଂ ଏସ୍.ୟୁ.ସି.ଆଇ(କମୁ୍ୟନିଷ୍ଟ)ର ପ୍ରତିଷ୍ଠାତା ଶିବଦାସ ଘୋଷଙ୍କ ‘ଟୋଚିତ୍ରରେ ମାଲ୍ୟାର୍ପଣ ପରେ କମ୍ରେଡ ଶିବଦାସ ଘୋଷଙ୍କ ଉପରେ ରଚିତ ସଙ୍ଗୀତ ଗାନ କରାଯାଇଥିଲା । ଦଳର ଜିଲ୍ଲା କମିଟି ସଭ୍ୟ ପ୍ରହ୍ଲାଦ ଚନ୍ଦ୍ର ସାହୁ, ନବକିଶୋର ପ୍ରଧାନ, ଜୟସେନ ମେହେରଙ୍କୁ ନେଇ ଗଠିତ ସଭାପତି ମଣ୍ଡଳୀ ସମ୍ମିଳନୀର ସଭାକାର୍ଯ୍ୟ ପରି·ଳନା କରିଥିଲେ । ୨୦୦୯ ମସିହାରେ ଅନୁଷ୍ଠିତ ଦଳର ଦ୍ୱିତୀୟ ପାର୍ଟି କଂଗ୍ରେସ ଠାରୁ ଆଜି ପର୍ଯ୍ୟନ୍ତ ମୃତୁ୍ୟବରଣ କରିଥିବା ଦଳର ନେତା ଓ କର୍ମୀମାନଙ୍କ ସ୍ମୃତିରେ ଜିଲ୍ଲା କମିଟି ସଭ୍ୟା ସରୋଜିନୀ ନାୟକ ଏକ ଶୋକ ପ୍ରସ୍ତାବ ଆଗତ କରିବା ପରେ ସେମାନଙ୍କୁ ଶ୍ରଦ୍ଧାଞ୍ଜଳି ଜଣାଇ ଏକ ମିନିଟ୍ ନିରବତା ପାଳନ କରାଯାଇଥିଲା ।