ବିଜେପି ଭୁବନେଶ୍ୱର ମଧ୍ୟ ପ୍ରାର୍ଥୀ ଜଗା ପ୍ରଧାନଙ୍କୁ ଆକ୍ରମଣ

ଭୁବନେଶ୍ୱର ର ମଧ୍ୟ ନିର୍ବାଚନମଣ୍ଡଳୀ ବିଜେପି ପ୍ରାର୍ଥୀ ଜଗନ୍ନାଥ ପ୍ରଧାନଙ୍କୁ ପ୍ରଚାର କରୁଥିବା ସମୟରେ ଆକ୍ରମଣ ହୋଇଥିବା ଅଭିଯୋଗ ହୋଇଛି । ଏ ନେଇ ସାଂସଦ ପ୍ରାର୍ଥୀନୀ ଅପରାଜିତା ଷଡଙ୍ଗୀ ଓ ବିଧାୟକ ପ୍ରାର୍ଥୀ ଜଗନ୍ନାଥ ପ୍ରଧାନ ଓ ତାଙ୍କ ସମର୍ଥକ ଥାନାରେ ଅଭିଯୋଗ ଆଣିଛନ୍ତି । କ୍ୟାପିଟାଲ ଥାନାରେ ବିଜେପି ର କିଛି କର୍ମୀ ପହଞ୍ଚି ଏବେ ହୋହଲ୍ଲା କରୁଥିବା ଜଣାପଡିଛି । ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁଯାୟୀ ବିଧାୟକ ଓ ସାଂସଦ ପ୍ରାର୍ଥୀନୀ ଙ୍କ ସମର୍ଥକ ମଧ୍ୟ ନିର୍ବାଚନମଣ୍ଡଳୀର ୟୁନିଟ ୮ ଅଞ୍ଚଳରେ କିଛି ସମୟ ତଳେ ରାଲି କରୁଥିଲେ । ଶତାଧିକ ବାଇକ ୟୁନିଟ ୮ କ୍ଲବ ଦେଇ ଯାଉଥିବା ବେଳେ କିଛି ଯୁବକ ଏହାକୁ ଅଟକାଇଥିଲେ । ଏହାରି ମଧ୍ୟରେ କିଛି ଯୁବକ ବିଜେପି ଫ୍ଲାକାର୍ଡ ଫୋଫାଡ଼ିବା କୁ ଉଦ୍ୟମ କରିଥିଲେ ଓ ଅତର୍କିତ ଟେକାମାଡ଼ କରିଥିଲେ । ଏହାପରେ ରାଲି ବନ୍ଦ କରି ବିଜେପି କର୍ମୀ ଓ ନେତା କ୍ୟାପିଟାଲ ଥାନାରେ ଏତଲା ଦେଇ ଥିବା ସୂଚନା ମିଳିଛି ।