ହୃଦ୍ଘାତରେ ଚାଲିଗଲେ ଆଉ ଜଣେ ଅଭିନେତା
ମୁମ୍ବାଇ: ପୁଣି ବି-ଟାଉନ୍ରୁ ଆସିଛି ଦୁଃଖଦ ଖବର। ସିଦ୍ଧାର୍ଥ ଶୁକ୍ଳାଙ୍କ ପରେ ଆଖି ବୁଜିଲେ ଆଉ ଜଣେ ଅଭିନେତା। ହୃଦ୍ଘାତରେ ଚାଲିଗଲେ ଏମ୍ଟିଭି ଲଭ୍ ସ୍କୁଲ ଫେମ୍ ଅଭିନେତା ଜଗନୁର ଅନେଜା। ହୃଦ୍ଘାତ ଯୋଗୁଁ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।
ମିଡିଆ ରିପୋର୍ଟ ମୁତାବକ, ଜଗନୁର ଅନେଜା ଇଜିପ୍ଟ ବୁଲିବାକୁ ଯାଇଥିଲେ। ବୁଧବାର ଦିନ ସେ ଇନ୍ଷ୍ଟାଗ୍ରାମରେ ଏନେଇ ସୂଚନା ମଧ୍ୟ ଦେଇଥିଲେ। ମୃତ୍ୟୁର ଦିନକ ପୂର୍ବରୁ ଅର୍ଥାତ ଇଜିପ୍ଟ ବୁଲିବା ବେଳର କିଛି ଫଟୋ ଓ ଭିଡିଓକୁ ଅପ୍ଲୋଡ ମଧ୍ୟ କରିଥିଲେ ଜଗନୁୂର। ଏହି ଭିଡିଓରେ ସେ ପୁରାପୁରି ସୁସ୍ଥ ଦେଖାଯାଉଥିଲେ। ତେବେ ଇଜିପ୍ଟ ଯାତ୍ରା ତାଙ୍କର ଶେଷ ଯାତ୍ରା ପାଲଟି ଯାଇଛି। ହଠାତ୍ ହୃଦ୍ଘାତ ଯୋଗୁଁ ଇଜିପ୍ଟରେ ହିଁ ତାଙ୍କର ଦେହାନ୍ତ ହୋଇଛି।
