ସୁନା ଲୁଟିଲେ ଦୁର୍ବୃତ୍ତ

ଅନୁଗୋଳ,୧୨/୮(ସକାଳଖବର): ଚୋରୀ, ରାହାଜାନୀ, ଡ଼କାୟତ ଲୁଟ ଘଟଣା ଥମିବାର ନାଁ ନାହିଁ । ଗୋଟିଏ ପରେ ଗୋଟିଏ ଘଟଣା ଘଟି ଚାଲିଛି । ହେଲେ ପୋଲିସ ହାତ ଖାଲି । ସାପ କଲାପରେ ଘୋଷରା ପିଟିବା ନୀତିକୁ ଧରିଛି ପୋଲିସ । କେବଳ ମାମଲାଟିଏ ଠୁଙ୍କି ତଦନ୍ତ ଆଳରେ ଦିନ ପରେ ଦିନ ଗଡ଼ିଚାଲିଛି । ତେବେ ଏଭଳି ଅନେକ ଘଟଣାର ମାମଲା ନାଲିଫିତା ତଳେ ଚାପି ହୋଇ ରହିଥିବାବେଳେ ଆଜି ପୁଣି ଏକ ଲୁଟ ଘଟଣା ଦେଖିବାକୁ ମିଳିଛି । ଯାହାକି ଦିବାଲୋକରେ ଦୁର୍ବୃତ୍ତମାନେ ବନ୍ଧୁକ ଦେଖାଇ ଟଙ୍କା ସୁନା ଲୁଟି ଛୁ ମାରିଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ଶିଳ୍ପ ନଗରୀ ନାଲକୋ କଲୋନୀରେ । ଘଟଣାରୁ ପ୍ରକାଶ ଯେ,ନାଲକୋ ଥାନା ଅନ୍ତର୍ଗତ ନାଲକୋ କଲୋନୀ ଭିତରେ ଦିନ ଦ୍ୱିପ୍ରହରରେ ବନ୍ଧୁକ ଦେଖାଇ ୧୦ ହଜାର ଟଙ୍କା ଓ ସୁନାଗହଣା ଲୁଟି ନେଇଛନ୍ତି । ଘଟଣାରୁ ପ୍ରକାଶ ଯେ, ନାଲକୋ କମ୍ପାନୀରେ ଚାକିରୀ କରିଥିବା ସୁରେନ୍ଦ୍ର ମଲିକ ବି - ଟାଇପ କ୍ୱାଟର ନମ୍ବର ୯୭୧ ରୁହନ୍ତି । ଆଜି ତାଙ୍କର ଥିଲା ବି -ସିଫ୍ଟ । ସେ ଦିନ ୨ଟାବେଳେ ଡ଼୍ୟୁଟିକୁ ଯାଇଥିଲେ । ତେବେ ଦିନ ୪ଟାବେଳେ ତାଙ୍କ କ୍ୱାଟରକ ଜଣେ ଯୁବକ ୁ ଆସି କଲିଙ୍ଗ ବେଲ ମାରିଥିଲେ । ଏବଂ ମୁଁ ନାଲକୋ କମ୍ପାନୀରୁ ଆସିଥିଲି ଓ କାଗଜରେ ଏକ ଦସ୍ତଖତ କରିବାକୁ ଆସିଛି ବୋଲି ଶ୍ରୀ ମଲିକଙ୍କ ପନôୀକୁ କହିଥିଲେ । ଏହାପରେ ଶ୍ରୀ ମଲିକଙ୍କ ପନôୀ ପ୍ରମୋଦ କବାଟ ଖୋଲିଥିଲେ । ଏହାପରେ ଉକ୍ତ ଯୁବକ ଜଣକ ବନ୍ଧୁକ ଦେଖାଇ ଗଡ଼ରେଜ ଭିତରେ ଥିବା କାନଫୁଲ ଓ ୧୦ ହଜାର ଟଙ୍କା ନେଇ ଫେରାର ହୋଇଯାଇଥିଲେ । ଏନେଇ ଥାନରେ ଅଭିଯୋଗ ହୋଇନଥିବାବେଳେ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚô ତଦନ୍ତ କରିଥିବା ଜଣାଯାଇଛି ।