ମା ପରିବାର ବିଜେପି ପରିବାର ଅଭିଯାନରରେ ସାମିଲ ହେଲେ କେନ୍ଦ୍ରମନ୍ତ୍ରୀ

ଭୁବନେଶ୍ୱର, ୧୮/୨(ସକାଳଖବର): କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭୁବନେଶ୍ୱରସ୍ଥିତ ନିଜ ବାସଭବନରେ ଦଳର ପତାକା ଓ ପୋଷ୍ଟର ଲଗାଇ “ମୋ ପରିବାର ବିଜେପି ପରିବାର” ଅଭିଯାନ ଆରମ୍ଭ କରିଛନ୍ତି । ଏହି ଅଭିଯାନରେ ରାଜ୍ୟର ପ୍ରତି ବିଜେପି କାର୍ଯ୍ୟକର୍ତା, ଶୁଭେଚ୍ଛୁ, ଲାଭାର୍ଥୀଙ୍କ ଘରେ ବିଜେପିର ପତାକା ଓ ଷ୍ଟିକର ଲଗାଇବାର କାର୍ଯ୍ୟକ୍ରମ ଆରମ୍ଭ ହୋଇଛି । ଏହି ଅବସରରେ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି ଯେ, ଗତ ୧୨ ତାରିଖରୁ ଦଳର ରାଷ୍ଟ୍ରୀୟ ସଭାପତିଙ୍କ ନେତୃତ୍ୱରେ ଏକ ଅଭିଯାନ ଆରମ୍ଭ ହୋଇଛି । ୨୦୧୯ରେ ପୁନର୍ବାର ପ୍ରଧାନମନ୍ତ୍ରୀ ଭାବେ ଲୋକପ୍ରିୟ ଜନନେତା ନରେନ୍ଦ୍ର ମୋଦିଙ୍କୁ ଜିତେଇବା ପାଇଁ “ମୋ ଘର ବିଜେପି ଘର, ମୋ ପରିବାର ବିଜେପି ପରିବାର” ଅଭିଯାନ ଆରମ୍ଭ ହୋଇଛି । ବିଗତ ୫ ବର୍ଷରେ ଏନଡିଏ ନେତୃତ୍ୱରେ ଚାଲୁଥିବା ସରକାରରେ ଦେଶ ତଥା ଓଡିଶାରେ ଅନେକ କଲ୍ୟାଣକାରୀ ଯୋଜନା ହୋଇଛି । ଯଦି ଆମେ ସବୁ ଯୋଜନାକୁ ଓଡିଶାରେ ଏକାଠି କରିବା ତା ହଲେ ୬୦ -୭୦ ଲକ୍ଷ ଲାଭାର୍ଥୀ ହେଉଛନ୍ତି । ତେଣୁ ଓଡିଶାର ଏହି ସବୁ ବର୍ଗଙ୍କ ଘରେ ଏ ମାସବ୍ୟାପି ଅଭିଯାନ କରି ନରେନ୍ଦ୍ର ମୋଦିଙ୍କୁ ଆଉ ଥରେ ପ୍ରଧାନମନ୍ତ୍ରୀ କରିବାର ସଂଙ୍କଳ୍ପ ନେବା ଏହି ଅଭଯାନର ଲକ୍ଷ୍ୟ । ଆଜିଠାରୁ ଓଡିଶାରେ ଆରମ୍ଭ ହୋଇଥିବା କାର୍ଯ୍ୟକ୍ରମକୁ ଆହୁରି ଗତି ଦେବାକୁ ପଡିବ ବୋଲି ଶ୍ରୀ ପ୍ରଧାନ କହିଛନ୍ତି ।