ପ୍ରକୃତିର କରାଳ ରୂପ : ଭୂସ୍ଖଳନରେ ୫ ମୃତ

ଥିରୁଅନନ୍ତପୁରମ: କରାଳ ରୂପ ଦେଖାଇଛି ପ୍ରକୃତି । ଲଗାଣ ବର୍ଷା ଯୋଗୁଁ କେରଳରେ ସ୍ଥିତି ଗମ୍ଭୀର ହୋଇଛି । ଜଳମଗ୍ନ ହୋଇଛି ଅନେକ ଅଞ୍ଚଳ। ପ୍ରବଳ ବର୍ଷା କାରଣରୁ କେରଳ ଇଡୁକି ଜିଲ୍ଲା କୁଦାୟାଥୁର ଥୋଡୁପୁଜାହ ଅଞ୍ଚଳରେ ଭୂସ୍ଖଳନ ହୋଇଛି । ଏହି ଅଘଟଣରେ ୫ଜଣଙ୍କର ମୃତ୍ୟୁ ହୋଇଛି । ପ୍ରଥମେ ୩ ଜଣଙ୍କ ମୃତଦେହ ଉଦ୍ଧାର ହୋଇଥିଲା । ୨ ଜଣ ନିଖୋଜ ଥିଲେ । ଘଟଣାସ୍ଥଳରେ ଉଦ୍ଧାରକାରୀ ଦଳ ପହଞ୍ଚି ଉଦ୍ଧାରକାର୍ୟ୍ୟ ଜାରି ରଖିଥିଲେ । ପରେ ଅନ୍ୟ ଦୁଇଜଣଙ୍କ ମୃତଦେହ ଉଦ୍ଧାର ହୋଇଛି । ପ୍ରବଳ ବର୍ଷା ପାଇଁ ଏକ ଘର ଭୁଶୁଡି ପଡିଥିବା ପୋଲିସ ପକ୍ଷରୁ ସୂଚନା ମିଳିଛି । ପୋଲିସ ସୂଚନାଅନୁସାରେ, ଘଟଣାଟି ରାତି ପ୍ରାୟ ୨ଟା ୩୦ରେ ହୋଇଛି । ସସସ୍ତ ୫ ଜଣଙ୍କ ମୃତଦେହ ଉଦ୍ଧାର ହୋଇଛି । ମୃତକ ହେଲେ ସୋମନ ଓ ତାଙ୍କ ପତ୍ନୀ ଜୟା, ସୋମନଙ୍କ ମାଆ ଥାନକାମାନା ଝିଅ ସୀମା ଓ ପୁଅ ଦେବାନ୍ତ ଆଖି ବୁଜିଛନ୍ତି । ଗତ ଦୁଇ ଦିନରେ କେରଳର ପାହାଡିଆ ଅଞ୍ଚଳରେ ପ୍ରବଳ ବର୍ଷା ହୋଇଥିବା ରେକର୍ଡ ହୋଇଛି ।