ପୂର୍ବତନ ବିଧାୟକ ଆଦିକନ୍ଦ ସେଠୀଙ୍କ ପରଲୋକ

ବ୍ରହ୍ମପୁର: ଗଞ୍ଜାମ ଜିଲ୍ଲା ଛତ୍ରପୁରର ପୂର୍ବତନ ବିଧାୟକ ଆଦିକନ୍ଦ ସେଠୀଙ୍କ ପରଲୋକ । ୨୦୦୯ ରୁ ୨୦୧୪ ପର୍ୟ୍ୟନ୍ତ ଛତ୍ରପୁରର ବିଧାୟକ ରହିଥିଲେ ଆଦିକନ୍ଦ ସେଠୀ । ବୁଧବାର ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଗଞ୍ଜାମ ଜିଲ୍ଲାର ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସିତ ଅବସ୍ଥାରେ ଗୁରୁବାର ଭୋର ତାଙ୍କର ମୃତ୍ୟୁ ହୋଇଥିବା ନେଇ ସୂଚନା ମିଳିଛି । ପୂର୍ବତନ ବିଧାୟକ ଭାବରେ ଯେତିକି ଜଣାଶୁଣା ତା ଠାରୁ ଅଧିକ ଜଣେ ଆଦର୍ଶ ଶିକ୍ଷକ ଭାବରେ ପରିଚିତ ରହିଥିଲେ । ସେ ଭାରତୀୟ କମ୍ୟୁନିଷ୍ଟ ପାର୍ଟି ଟିକେଟରେ ସେ ଛତ୍ରପୁର ବିଧାନସଭା ଆସନରୁ ସେ ନିର୍ବାଚନ ଲଢ଼ି ବିଜୟୀ ହୋଇଥିଲେ । ୨୦୦୯ରୁ ୨୦୧୪ ପର୍ୟ୍ୟନ୍ତ ଛତ୍ରପୁରର ବିଧାୟକ ରହିଥିଲେ ସେ । ଏହାପରେ ସେ କମ୍ୟୁନିଷ୍ଟ ଦଳର ଛାଡି ବିଜେଡିରେ ଯୋଗ ଦେଇଥିଲେ । ହେଲେ ପରବର୍ତ୍ତୀ ସମୟରେ ତାଙ୍କୁ ଆଉ ଟିକେଟ ମିଳିନଥିବାରୁ ପ୍ରତିଦ୍ବନ୍ଦିତା କରିନଥିଲେ । ତଥାପି ମଧ୍ୟ ଲୋକଙ୍କର ସୁଖ ଦୁଃଖରେ ସାମିଲ ରହୁଥିଲେ । ପୂର୍ବତନ ବିଧାୟକଙ୍କ ବିୟୋଗରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।