ପିସିସି ସଭାପତିକୁ ବିପୁଳ ସମ୍ବର୍ଦ୍ଧନା

ଅନୁଗୋଳ ,୧୩/୧୨(ସକାଳଖବର):ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକଙ୍କ ସମେତ ପୂର୍ବତନ ମନ୍ତ୍ରୀ ସନ୍ତୋଷ ସିଂହ ସାଲୁଜା ଓ ପଦ୍ମାକର ଗିରି ପ୍ରମୁଖ ରେଢ଼ାଖୋଲ ଗସ୍ତ କରିବାବେଳେ ସେମାନଙ୍କୁ ଅନୁଗୋଳ ଜିଲା କଂଗ୍ରେସ କମିଟି ପକ୍ଷରୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ଜିଲା କଂଗ୍ରେସ କମିଟି ସଭାପତି ବିପ୍ଲବ ଜେନାଙ୍କ ନେତୃତ୍ୱରେ ଶତାଧିକ କଂଗ୍ରେସ କର୍ମୀ ପ୍ରଥମେ ମହୀଧରପୁର ଓ ବନ୍ତଳାଠାରେ ବିପୁଳ ସ୍ୱାଗତ ସମ୍ବର୍ଦ୍ଧନା କରିଥିଲୋ । ଏହି ଅବସରରେ ପିସିସି ସଭାପତି ଶ୍ରୀ ପଟ୍ଟନାୟକ କହିଲେ କଂଗ୍ରେସ ଏକ ବିଶ୍ୱାସର ଦଳ ଓ କଂଗ୍ରେସ ଏକ ବିଚାରଧାରର ଦଳ ଏବଂ କଂଗ୍ରେସ ଏକ ଜନସାଧାରଣଙ୍କ ଦଳ ବୋଲି ସମ୍ବର୍ଦ୍ଧନା ଅବସରରେ ମତପ୍ରକାଶ କରିଥିଲେ । ସେହିଭଳି ଆଠମଲ୍ଳିକର ବାମୁରଠାରେ କଂଗ୍ରେସର ବରିଷ୍ଠନେତା ବିଜୟାନନ୍ଦ ଚାଉଳିଆଙ୍କ ନେତୃତ୍ୱରେ ମଧ୍ୟ ସମ୍ବର୍ଦ୍ଧନା ପ୍ରଦାନ କରାଯାଇଥିଲା । ଏଥିରୁ ବାରି ହୋଇପଡ଼ୁଥିଲା ଯେ ୫ଟି ରାଜ୍ୟରେ କଂଗ୍ରେସର ବାଜିମାତ ହେବାପରେ ଓଡ଼ିଶା କଂଗ୍ରେସ ରାଜନୀତି ବେଶ ଚଳଚଞ୍ଚଳ ଓ ସକ୍ରିୟ ହୋଇପଡ଼ିଛି ।