ଦିନ ଦ୍ୱିପ୍ରହରରେ ମହିଳାଙ୍କ ଠାରୁ ୧ ଲକ୍ଷ ଟଙ୍କା ଲୁଟ

ଅନୁଗୋଳ,୨୬/୨(ସକାଳଖବର): ଅନୁଗୋଳ ଥାନା ଅନ୍ତର୍ଗତ ୫୫ନଂ ଜାତୀୟ ରାଜପଥ ହନୁମାନ ବଜାରଠାରେ ଥିବା ଏକ ବ୍ୟାଙ୍କ ସମ୍ମୁଖରେ ସ୍କୁଟିରେ ଥିବା ୧ ଲକ୍ଷ ଲୁଟ ହୋଇଥିବା ଥାନାରେ ଅଭିଯୋଗ ହୋଇଛି । ଘଟଣାରୁ ପ୍ରକାଶ ଯେ, ନାଲକୋ କଲୋନୀର ବି-୯୯୧ କ୍ୱାଟରରେ ରହୁଥିବା ମହିଳା ଶାନ୍ତିଲତା ପ୍ରଧାନ ତାଙ୍କ ସ୍କୁଟି ଯୋଗେ ଅନୁଗୋଳ ଏକ ବ୍ୟାଙ୍କକୁ ଟଙ୍କା ଉଠାଇବାକୁ ଅପରାହ୍ନରେ ଆସିଥିଲେ । ଶାନ୍ତିଲତା ବ୍ୟାଙ୍କରୁ ୧ ଲକ୍ଷ ଟଙ୍କା ଉଠାଇ ନେଇ ସ୍କୁଟି ଯୋଗେ ଘରକୁ ଫେରିବା ବେଳେ ୫୫ନଂ ଜାତୀୟ ରାଜପଥ ହନୁମାନ ବଜାର ନିକଟରେ ଥିବା ବ୍ୟାଙ୍କ ସମ୍ମୁଖରେ ଲୁଟେରାମାନେ ସ୍କୁଟି ଡ଼ିକିରୁ ଜବରଦସ୍ତ କରି ୧ ଲକ୍ଷ ଲୁଟ କରି ନେଇ ପଳାଇଥିଲେ । ଏନେଇ ସେ ଅନୁଗୋଳ ଥାନାରେ ଏକ ଅଭିଯୋଗ କରିଛନ୍ତି । ଅଭିଯୋଗକୁ ଭିତ୍ତିକରି ପୁଲିସ ଘଟଣାର ତଦନ୍ତ କରୁଛି