କଥାରେ ନୁହେଁ କାମରେ ବିଶ୍ୱାସ କରେ ବିଜୁ ଜନତା ଦଳ : ମୁଖ୍ୟମନ୍ତ୍ରୀ

ଧର୍ମଶାଳା,୧୯/୨(ସକାଳଖବର): ଯାଜପୁର ଜିଲା ଧର୍ମଶାଳା ନିର୍ବାଚନ ମଣ୍ଡଳୀ ଧର୍ମଶାଳା ମହୋତ୍ସବ ପଡିଆରେ ବିକାଶ ସମାବେଶ ଅନୁଷ୍ଠିତ ହୋଇଯାଇଛି । ଯୁବନେତା ଅମୀୟ ପରିଡାଙ୍କ ସଭାପତିତ୍ୱରେ ଏହି ସମାବେଶରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇଥିଲେ । ସାଢେ ବାରଟା ସମୟରେ ହେଲିପ୍ୟାଡରେ ମୁଖ୍ୟମନ୍ତ୍ରୀ ଓହ୍ଲାଇବା ପରେ ଧର୍ମଶାଳା ବିଜେଡି ନେତା ଓ କର୍ମୀମାନେ ସ୍ୱାଗତ କରି ମଂଚ ନିକଟକୁ ପାଛୋଟି ଆଣିଥିଲେ । ଏହି ଅବସରରେ ମାନ୍ୟବର ମୁଖ୍ୟମନ୍ତ୍ରୀ କଲଣ-କୁସ୍ତରା ବ୍ରାହ୍ମଣୀ ନଦୀ ଉପରେ ସେତୁ, ଗୋକର୍ଣ୍ଣେଶ୍ୱର ମନ୍ଦିରଠାରୁ ବନମାଳୀ ପର୍ଯ୍ୟନ୍ତ ନୂତନ ରାସ୍ତା ଓ ଆମ ଗାଁ ଆମ ବିକାଶରେ ସମସ୍ତ ପ୍ରକଳ୍ପକୁ ଉଦଘାଟନ କରିବା ସହିତ ଜମିହୀନମାନଙ୍କୁ ପଟ୍ଟା ବଂଟନ କରିଥିଲେ । ଆମ ଗାଁ ଆମ ବିକାଶରେ ଓଡିଶା ଦୃତ ଅଗ୍ରଗତି ହେବା ସହିତ କାଳିଆ ଯୋଜନାକୁ ମୁଖ୍ୟମନ୍ତ୍ରୀ ଉଚ୍ଚ ପ୍ରଶଂସା କରିଥିଲେ । ବିଜୁ ଜନତା ଦଳ କଥାରେ ନୁହେଁ କାମରେ ବିଶ୍ୱାସ କରେ ବୋଲି ତାଙ୍କ ଭାଷଣରେ ମତ ପ୍ରକାଶ କରିଥିଲେ । ଏହି ସମାବେଶରେ ଓଡିଶା ସରକାରଙ୍କ ମୁଖ୍ୟ ସଚେତକ ତଥା ବଡଚଣା ବିଧାୟକ ଅମର ପ୍ରସାଦ ଶତପଥୀ, ଯାଜପୁର ସାଂସଦ ରୀତା ତରାଇ, ସଂସ୍କୃତି ମନ୍ତ୍ରୀ ଅଶୋକ ପଣ୍ଡା, ଧର୍ମଶାଳା ବିଧାୟକ ପ୍ରଣବ ବଳବନ୍ତରାୟ, କୋରାଇ ବିଧାୟକ ଆକାଶଦାସ ନାୟକ, ସୁକିନ୍ଦା ବିଧାୟକ ପ୍ରୀତିରଂଜନ ଘଡାଇ, ବିଜୁ ଜନତାଦଳ ଯୁବ ସଭାପତି ଅମ୍ରେଶ ପତ୍ରି ଓ ରାଜ୍ୟ ଚଳଚିତ୍ର ନିଗମ ଅଧ୍ୟକ୍ଷ କୁନା ତ୍ରୀପାଠି, ଯାଜପୁର ଜିଲାପରିଷଦ ଅଧ୍ୟକ୍ଷ ନରେଶ ଚନ୍ଦ୍ର ମହାନ୍ତି, ଧର୍ମଶାଳା ବ୍ଲକ ଅଧ୍ୟକ୍ଷ ପ୍ରଭାତ ବଳବନ୍ତରାୟ ପ୍ରମୁଖ ଯୋଗ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସୌମ୍ୟ ପ୍ରକାଶ ବିଶ୍ୱାଳ,ପ୍ରସନ୍ନ ରାଉତ, କ୍ଷିତିଶ ନାୟକ, ମିନତୀ ପଣ୍ଡା, ଜଳଧର ସାହୁ, ମୋଇଉଦ୍ଧିନ ମହମ୍ମଦ, ସନ୍ତୋଷ ଜେନା, ଜଳଧର ମହାନ୍ତି, ପ୍ରିୟନାଥ ମହାପାତ୍ର, ବିଶ୍ୱପ୍ରତାପ ସାହୁ ପ୍ରମୁଖଙ୍କ ସମେତ ଧର୍ମଶାଳା ନିର୍ବାଚନ ମଣ୍ଡଳୀର ସମସ୍ତ ଜିଲା ପରିଷଦ ସଭ୍ୟ/ସଭ୍ୟା, ସରପଂଚ ଓ ସମିତି ସଭ୍ୟ/ସଭ୍ୟା ଯୋଗ ଦେଇଥିଲେ