ହାତୀର ମୃତ ଦେହ ଠାବ
କଟକ: କଟକ ମୁଣ୍ଡଳି ବ୍ୟାରେଜ୍ରେ ପଶିଥିବା ହାତୀର ମୃତ ଦେହ ଠାବ କରାଯାଇଛି । ୨ ଦିନ ପରେ ଆଜି କଟକ ଯୋବ୍ରା ବ୍ୟାରେଜ୍ ଠାରେ ହାତୀର ମୃତ ଦେହ ଠାବ କରାଯାଇଛି । ଗତ ୨୩ ତାରିଖ ରାତିରେ ହାତୀଟି ମୁଣ୍ଡଳୀ ବ୍ୟାରେଜ୍ ରେ ପଶି ଯାଇଥିବା ବେଳେ ହାତୀକୁ ଉଦ୍ଧାର କରିବା ପାଇଁ ପ୍ରୟାସ ଆରମ୍ଭ କରିଥିବା ବନ ବିଭାଗ । ଏହାପରେ ଦନ୍ତା ହାତୀକୁ ଉଦ୍ଧାର କରିବାକୁ ଯାଇ ହୋଇଥିବା ଅଘଟଣରେ ପୁରା ଓଡ଼ିଶା ସ୍ତବ୍ଧ ହୋଇ ଯାଇଥିଲା ।ହାତୀ ଉଦ୍ଧାର ପାଇଁ ଉଦ୍ୟମ କରି ଦୁଇ ଜଣ ପ୍ରାଣ ହରାଇଥିବା ବେଳେ ଶେଷରେ ଦନ୍ତାକୁ ମଧ୍ୟ ମୃତ ଅବସ୍ଥାରେ ଠାବ କରାଯାଇଛି ।୨୪ ତାରିଖରୁ ହାତୀଟି ପ୍ରଖର ସ୍ରୋତରେ ଭାସିଯାଇ ନିଖୋଜ ଥିବା ବେଳେ ବର୍ତ୍ତମାନ ଏକ ମୃତ ହାତୀ ଠାବ କରାଯାଇଛି । ଯାହା ନିଖୋଜ ହାତୀର ମୃତ ଦେହ ବୋଲି ସନ୍ଦେହ କରାଯାଉଛି ।ତେବେ ଏପର୍ୟ୍ୟନ୍ତ ହାତୀଟିର ମୃତ ଦେହ ଉଦ୍ଧାର କରାଯାଇନଥିବାରୁ ଏହା ମୁଣ୍ଡଳି ବ୍ୟାରେଜ୍ରେ ପଶି ରହିଥିବା ହାତୀର ମୃତ ଦେହ କି ନାହିଁ ତାହା ଏଯାଏଁ ସ୍ପଷ୍ଟ କରିନି ବନ ବିଭାଗ ।ବତ୍ତର୍ମାନ ହାତୀ ଉଦ୍ଧାର ଓ ଚିହ୍ନଟ ପାଇଁ ବନ ବିଭାଗର ଉପରିସ୍ତ କର୍ମଚାରୀ ଯାଇ ଯୋବ୍ରା ବ୍ୟାରେଜ୍ ରେ ପହଞ୍ଚିଥିବା ସୂଚନା ମିଳିଛି ।
