ରୋଜନେଫ୍ଟର ସିଇଓ ତଥା ସହ ଆଲୋଚନା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
ନୂଆଦିଲ୍ଲୀ,୧୭/୯(ସକାଳଖବର): ନୂଆଦିଲ୍ଲୀ ଠାରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରୋଜନେଫ୍ଟର ସିଇଓ ତଥା ଋଷିଆନ ଫେଡେରେସନର ପୂର୍ବତନ ଉପ ପ୍ରଧାନମନ୍ତ୍ରୀ ଆଇଗୋର ସେଚିନଙ୍କୁ ଭେଟିଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭ୍ଲାଡିଭୋଷ୍ଟୋକ ପରେ ଇଷ୍ଟର୍ଣ୍ଣ ଇକୋନୋମିକ୍ ଫରୋମର ବୈଠକରେ ମୁଖ୍ୟ ଅତିଥି ଭାବରେ ଯୋଗଦେବା ପରେ ଦୁଇ ଦେଶ ମଧ୍ୟରେ ଏହା ଗୁରୁତ୍ୱପୂର୍ଣ୍ଣ ବୈଠକ । ମୋଦିଙ୍କ ଗସ୍ତ ସମୟରେ ହୋଇଥିବା ଆଲୋଚନାକୁ ଏହି ଦୁଇ ଦେଶର ନେତାଙ୍କ ଆଲୋଚନା ମଧ୍ୟମରେ ଆଗକୁ ନିଆଯିବ ।
ଆଲୋଚନା କାଳରେ ଶ୍ରୀ ପ୍ରଧାନ ଭାରତର ତୈଳ ଓ ଗ୍ୟାସ କମ୍ପାନୀ ଏବଂ ରୋଜନେଫ୍ଟ ସହ ଥିବା କାର୍ଯ୍ୟର
ବିସ୍ତୁତ ସମୀକ୍ଷା କରିଥିଲେ । ନିକଟରେ ସାଉଦିଆରବର ତୈଳ କମ୍ପାନୀ ଆରାମକୋ ଉପରେ ହୋଇଥିବା
ଡ୍ରୋନ୍ ଆକ୍ରମଣ ଫଳରେ ବିଶ୍ୱରେ ଅଶୋଧିତ ତୈଳ ଯୋଗାଣର ପ୍ରଭାବ ସମ୍ପର୍କରେ ମଧ୍ୟ ଉଭୟ ଆଲୋଚନା କରିଥିଲେ ।
ଉଲ୍ଲେଖନୀୟ ଯେ, ରୋଜନେଫ୍ଟ ଏବଂ ଭାରତୀୟ ତୈଳ ଓ ଗ୍ୟାସ କମ୍ପାନୀ ମଧ୍ୟରେ ପୁନର୍ବାର ଆଲୋଚନା
କରିବା ପାଇଁ ଶ୍ରୀ ସେଚିନ୍ ଭାରତ ଗସ୍ତରେ ଆସିଥିଲେ ।
