ରାଫେଲ ବିମାନ ପ୍ରଦର୍ଶନ
ନୂଆଦିଲ୍ଲୀ, ୧୩/୧୧ (ସକାଳଖବର): ରାଫେଲ ବିମାନ କାରବାରକୁ ନେଇ ଲାଗି ରହିଥିବା ବିବାଦକୁ ଭୃକ୍ଷେପ ନ କରି ଫ୍ରାନ୍ସର ଡାସଲ୍ଟ ଆଭିଏସନ୍ କମ୍ପାନୀ ମଙ୍ଗଳବାର ଦେଶର ଇସ୍ଟ୍ରେ-ଲେ ଟ୍ୟୁବ ବିମାନଘାଟୀଠାରେ ଏହି ବିମାନର ପ୍ରଥମ ନମୁନା ଅନାବରଣ କରିଛି। ରାଜିନାମା ଅନୁସାରେ ୨୦୧୯ ସେପ୍ଟେମ୍ବର ସୁଦ୍ଧା ଭାରତୀୟ ବାୟୁସେନାକୁ ପ୍ରଥମ ରାଫେଲ ବିମାନ ଯୋଗାଇ ଦିଆଯିବ। ନିର୍ଦ୍ଧାରିତ ସମୟ ମଧ୍ୟରେ ସମସ୍ତ ବିମାନ ଭାରତୀୟ ବାୟୁସେନାକୁ ପ୍ରଦାନ କରାଯିବ ବୋଲି କମ୍ପାନୀର ମୁଖ୍ୟ କାର୍ୟ୍ୟ ନିର୍ବାହୀ (ସିଇଓ) ଏରିକ ଟ୍ରାପିଅର ପ୍ରକାଶ କରିଛନ୍ତି।
