ରଶ୍ମିକାଙ୍କ ସହ କାମ କରିବା ଚାହାଁନ୍ତିନି ଋଷଭ

Nov 24, 2022 - 06:39
 122
ରଶ୍ମିକାଙ୍କ ସହ କାମ କରିବା ଚାହାଁନ୍ତିନି ଋଷଭ
ଫିଲ୍ମ ‘କାନ୍ତାରା’ର ସଫଳତା ଶୀର୍ଷକୁ ପହଞ୍ଚିଛି। କନ୍ନଡ ଅଭିନେତା-ନିର୍ଦ୍ଦେଶକ ଋଷବ ଶେଟ୍ଟୀଙ୍କ ଲୋକପ୍ରିୟତା ଦିନକୁ ଦିନ ବଢିବାରେ ଲାଗିଛି। ଏହି ଚଳଚ୍ଚିତ୍ର ପ୍ରାୟ ଦୁଇମାସ ଚାଲିବା ପରେ ମଧ୍ୟ ବକ୍ସ ଅଫିସରେ ରାଜ୍‌ କରୁଛି। ଏଥିସହ ଋଷଭ ଶେଟ୍ଟୀଙ୍କ ଏକ ପୁରୁଣା ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଯେଉଁଥିରେ ସେ ରଶ୍ମିକା ମନ୍ଦନାଙ୍କୁ କଟାକ୍ଷ କରୁଥିବାର ଦେଖିବାକୁ ମିଳିଛି। ଗୁଲଟେ.କମ୍ ସହିତ କଥାବାର୍ତ୍ତା ବେଳେ ଋଷଭ ଶେଟ୍ଟୀଙ୍କ ଏକ ପୁରୁଣା ଭିଡିଓରେ ତାଙ୍କୁ ସାମନ୍ଥା, ରଶ୍ମିକା, କିର୍ତ୍ତୀ ସୁରେଶ ଏବଂ ସାଇ ପଲ୍ଲବୀଙ୍କ ମଧ୍ୟରେ କାହା ସହ କାମ କରିବାକୁ ଚାହୁଁଛନ୍ତି ବୋଲି ପଚରାଯାଇଥିଲା। ତାଙ୍କ ପ୍ରତିକ୍ରିୟାରେ ଅଭିନେତା କହିଛନ୍ତି, ‘ମୁଁ ମୋ ଫିଲ୍ମର କାହାଣୀ ଲେଖିବା ପରେ କେଉଁ ଅଭିନେତ୍ରୀଙ୍କ ସହ କାମ କରିବି ମୁଁ ସ୍ଥିର କରିବି। ମୁଁ ନବାଗତମାନଙ୍କ ସହିତ କାମ କରିବାକୁ ପସନ୍ଦ କରେ । କାରଣ ସେମାନେ କୌଣସି ଅସୁବିଧା ନଦେଖାଇ ଆସନ୍ତି। ଏହା ସହିତ ସେ କହିଛନ୍ତି, ‘ମୁଁ ଏହି ଅଭିନେତ୍ରୀଙ୍କୁ ପସନ୍ଦ କରେ ନାହିଁ। କିନ୍ତୁ, ମୁଁ ସାଇ ପଲ୍ଲବୀ ଏବଂ ସାମନ୍ଥାଙ୍କ ସହ କାମ କରିବାକୁ ପସନ୍ଦ କରେ । ତେବେ ଏହି ବାର୍ତ୍ତାଳାପରେ ସେ ରଶ୍ମିକା ମନ୍ଦନାଙ୍କୁ ତାଙ୍କ ନାମ ନନେଇ ପ୍ରଶଂସା କରିଥିଲେ ଏବଂ ତାଙ୍କୁ ଜଣେ ଭଲ କଳାକାର ବୋଲି ମଧ୍ୟ କହିଥିଲେ। ଏହା ସହିତ ସେ କହିଛନ୍ତି ଯେ ଆଜିକାଲି ସେ ବହୁତ ଭଲ ଅଭିନେତ୍ରୀ ହୋଇପାରିଛନ୍ତି। କହିବାକୁ ଗଲେ ରଶ୍ମିକା ୨୦୧୬ରେ ଫିଲ୍ମ ‘କିରିକ ପାର୍ଟି’ରେ ଡେବ୍ୟୁ କରିଥିଲେ । ବିଶେଷ କଥା ହେଉଛି ଏହି ଚଳଚ୍ଚିତ୍ରଟି ଋଷଭ ଶେଟ୍ଟୀଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା। ଫିଲ୍ମ ‘ପୁଷ୍ପା’ ପରଠାରୁ ସେ ଏକ ପ୍ୟାନ୍ ଇଣ୍ଡିଆ ତାରକା ହୋଇପାରିଛନ୍ତି। ଏହି ଚଳଚ୍ଚିତ୍ର ପରେ ସେ ନ୍ୟାସନାଲ କ୍ରସ୍ ଆଖ୍ୟା ମଧ୍ୟ ପାଇଥିଲେ।