ମଧୁସୂଦନଙ୍କ ନାମରେ ଚେୟାର ପ୍ରତିଷ୍ଠା ପ୍ରସ୍ତାବକୁ ସ୍ୱାଗତ
କଟକ,୩୦/୪(ସକାଳଖବର): କିଟ୍ ବିଶ୍ୱବିଦ୍ୟାଳୟ ଲ’ ସ୍କୁଲରେ ଉକ୍ରଳ ଗୌରବ ମଧୁସୂଦନଙ୍କ ନାମରେ
ଚେୟାର ପ୍ରତିଷ୍ଠା ଏକ ସ୍ୱାଗତଯୋଗ୍ୟ ପଦକ୍ଷେପ ଏବଂ ଏହାଦ୍ୱାରା ଆଇନ୍
ଅଧ୍ୟୟନ କରୁଥିବା ଛାତ୍ରଛାତ୍ରୀମାନେ ମଧୁବାବୁଙ୍କ ଜୀବନୀ ଓ ଆଦର୍ଶ
ସମ୍ପର୍କରେ ଅଧିକ ତଥ୍ୟ ଜାଣିପାରିବେ ବୋଲି କଟକ ଜିଲ୍ଲା ଉକ୍ରଳ ସମ୍ମିଳନୀର
ସଭାପତି ଡାକ୍ତର ରବିରଞ୍ଜନ ସାହୁ ମତବ୍ୟକ୍ତ କରିଛନ୍ତି । ଏକ ପ୍ରେସ ବିଜ୍ଞପ୍ତିରେ
ଡାକ୍ତର ସାହୁ ଜଣାଇଛନ୍ତି ଯେ, ମଧୁବାବୁ ଓଡ଼ିଆମାନଙ୍କ ସ୍ୱାଭିମାନର ପ୍ରତୀକ
ହୋଇଥିବାରୁ ତାଙ୍କ ନାମରେ ଚେୟାର ପ୍ରତିଷ୍ଠା ଏକ ଆବଶ୍ୟକତା ବୋଲି
ଦର୍ଶାଇଛନ୍ତି । ସେହିପରି ଭାବେ ରାଜ୍ୟର ବିଭିନ୍ନ ବିଶ୍ୱବିଦ୍ୟାଳୟରେ ବିଶେଷ
କରି ଯେଉଁଠାରେ ଆଇନ୍ ଅଧ୍ୟୟନର ସୁଯୋଗ ରହିଛି, ସେଠାରେ ମଧୁବାବୁଙ୍କ
ନାମରେ ଚେୟାର ପ୍ରତିଷ୍ଠା କରାଯିବା ଉଚିତ । ଏହାଦ୍ୱାରା ମଧୁବାବୁଙ୍କ କାର୍ଯ୍ୟ
ପଦ୍ଧତି ଉପରେ ଅଧିକ ଗବେଷଣା କରାଯାଇପାରିବ ବୋଲି ଡାକ୍ତର ସାହୁ
କହିଛନ୍ତି । ଏହି ଦୃଷ୍ଟିରୁ ରାଜ୍ୟ ସରକାର ରାଜ୍ୟ ଭିତରେ ଓ ରାଜ୍ୟ ବାହାରେ ଥିବା
ବିଭିନ୍ନ ବିଶ୍ୱବିଦ୍ୟାଳୟଗୁଡ଼ିକରେ ମଧୁବାବୁଙ୍କ ନାମରେ ଚେୟାର ପ୍ରତିଷ୍ଠା
କରିବା ପାଇଁ ଡାକ୍ତର ସାହୁ ରାଜ୍ୟ ସରକାରଙ୍କ ନିକଟରେ ଦାବି କରିଛନ୍ତି ।
