ଭାରତକୁ ଝଟ୍କା, କୋଚ୍ ରାହୁଲ ଦ୍ରାବିଡ କରୋନା ସଂକ୍ରମିତ
ନୂଆଦିଲ୍ଲୀ: ୨୭ ଅଗଷ୍ଟରୁ ୟୁଏଇରେ ଆରମ୍ଭ ହେବାକୁ ଥିବା ଏସିଆ କପ୍ ପୂର୍ବରୁ ଭାରତ ଏକ ବଡ଼ ଝଟକା ଲାଗିଛି । ଦଳର ମୁଖ୍ୟ ପ୍ରଶିକ୍ଷକ ରାହୁଲ ଦ୍ରାବିଡଙ୍କୁ କରୋନା ସଂକ୍ରମିତ ହୋଇଥିବା ଜଣାପଡିଛି ଏବଂ ମିଡିଆ ରିପୋର୍ଟ ଅନୁଯାୟୀ ସେ ଏସିଆ କପରେ ଅଂଶଗ୍ରହଣ କରିପାରିବେ ନାହିଁ । ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ ଆଜି ଏସିଆ କପ ପାଇଁ ୟୁଏଇ ଗସ୍ତ କରିବାର କାର୍ଯ୍ୟକ୍ରମ ରହିଛି । ତେବେ କୋଚ୍ କରୋନା ପଜିଟିଭ ଚିହ୍ନଟ ହେବା ପରେ ଆଗାମୀ ଟୁର୍ନାମେଣ୍ଟ ପାଇଁ ଦଳ ପାଇଁ ଅସୁବିଧା ବଢିଯାଇଛି । କାରଣ କେବଳ ଏସିଆ କପ୍ ପରେ ଅଷ୍ଟ୍ରେଲିଆରେ ହେବାକୁ ଥିବା ଟି -୨୦ ବିଶ୍ୱକପ ପାଇଁ ଭାରତୀୟ ଦଳ ଚୟନ ହେବାକୁ ଯାଉଥିଲା ।
ନଭେମ୍ବର ୨୦୨୧ ରେ ଭାରତର ପୂର୍ବତନ ବ୍ୟାଟ୍ସମ୍ୟାନ୍ ରାହୁଲ ଦ୍ରାବିଡ ଭାରତର ମୁଖ୍ୟ ପ୍ରଶିକ୍ଷକ ଭାବରେ ନିଯୁକ୍ତି ହୋଇଥିଲେ । ନିକଟରେ ତାଙ୍କୁ ଜିମ୍ବାୱେ ଗସ୍ତ ପୂର୍ବରୁ ବିଶ୍ରାମ ଦିଆଯାଇଥିଲା । ତାଙ୍କ ସ୍ଥାନରେ ଏହି ଭ୍ରମଣ ପାଇଁ ଭିଭିଏସ୍ ଲକ୍ଷ୍ମଣ ଦଳର କୋଚ୍ ଭାବରେ ନିଯୁକ୍ତ ହୋଇଥିଲେ । କେ.ଏଲ୍ ରାହୁଲଙ୍କ ନେତୃତ୍ୱରେ ଜିମ୍ବାୱେ ବିପକ୍ଷରେ ଭାରତ ୩-୦ କ୍ଲିନ୍ ସୁଇପ୍ କରିଥିଲା ।
