ବିଦ୍ୟୁତ ତାରରେ ଲାଗି ହାତୀର ମୃତ୍ୟୁ

ଅନୁଗୋଳ,୧୦/୮ (ସକାଳଖବର): ଅନୁଗୋଳ ବନଖଣ୍ଡ ଅଞ୍ଚଳର ତୁମୁଣୀ ଗ୍ରାମର ତେଲିତଇଳା ଠାରେ ଏକ ଦନ୍ତାହାତୀର ବିଦ୍ୟୁତ ତାର ସଂସ୍ପର୍ଶରେ ଆସି ମୃତ୍ୟୁ ବରଣ କରିଥିବାର ସୂଚନା ମିଳିଛି । ମୃତ ହାତୀଟିର ବୟସ ୮ରୁ ୯ବର୍ଷ ମଧ୍ୟରେ ହୋଇଥିବାର ଅନୁମାନ କରାଯାଉଛି । ସମ୍ଭବତଃ ଗତକାଲି ରାତିରେ ଜନ୍ତୁଶିକାର ପାଇଁ ବିଛାଯାଉଥିବା ବିଦ୍ୟୁତ ତାର ଲାଗି ହାତିଟି ମରିଥିବାର ଅନୁମାନ କରାଯାଉଛି । ସକାଳେ ଲୋକମାନେ ଦେଖି ବନବିଭାଗକୁ ଖବର ଦେଇଥିଲେ । ଖବର ପାଇ ବନବିଭାଗର ପୁରୁଣାଗଡ଼ ରେଜଂ ଅଫିସର ତଥା ଅନ୍ୟମାନେ ଘଟଣା ସ୍ଥଳକୁ ଯାଇ ତଦନ୍ତ କରିବା ସହିତ ହାତୀର ବ୍ୟବଚ୍ଛେଦ କରି ପୋତି ଦେଇଥିବା ଜଣାଯାଇଛି ।