ବିଜେଡି ପ୍ରାର୍ଥୀ ଧ୍ରୁବ ସାହୁଙ୍କ ଶକ୍ତି ପ୍ରଦର୍ଶନ

ପଟ୍ଟାମୁଣ୍ଡାଇ, ୩୧/୩(ସକାଳଖବର): କେନ୍ଦ୍ରାପଡା ଜିଲ୍ଲାର ବହୁ ଚର୍ଚ୍ଚିତ ରାଜନଗର ଆସନରେ ବିଜେଡି ପ୍ରାର୍ଥୀ ଭାବରେ କେନ୍ଦ୍ରାପଡା ଜିଲ୍ଲା ବିଜେଡି ସଭାପତି ପ୍ରଭାବଶାଳୀ ଯୁବନେତା ଧ୍ରୂବ ସାହୁଙ୍କୁ ରାଜ୍ୟ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦଳୀୟ ଟିକେଟ ପ୍ରଦାନ କରିଛନ୍ତି । ଯାହାଫଳରେ ରାଜନଗର ଆସନକୁ ନେଇ ଦୀର୍ଘଦିନ ଧରି ଲାଗିରହିଥିବା ରାଜନୈତିକ ବାଦବିବାଦ ଓ ହଟଚମଟର ଅବସାନ ଘଟିଛି । ଦଳୀୟ ଟିକେଟ ପାଇବା ପରେ ବିଜେଡି ପ୍ରାର୍ଥୀ ଶ୍ରୀସାହୁ ଆଜି ପଟ୍ଟାମୁଣ୍ଡାଇ ଓ ରାଜନଗର ଅଞ୍ଚଳରେ ନିଜର ଶକ୍ତି ପ୍ରଦର୍ଶନ କରିଛନ୍ତି । ଆଜି ବିଜେଡି ପ୍ରାର୍ଥୀ ଶ୍ରୀସାହୁ ପଟ୍ଟାମୁଣ୍ଡାଇ ଉପକଣ୍ଠରେ ପହଂଚିବା ମାତ୍ରେ ପଟ୍ଟାମୁଣ୍ଡାଇ ବ୍ଲକ ଅଧ୍ୟକ୍ଷା ଜ୍ୟୋର୍ତିମୟୀ ବେହେରା, ଉପାଧ୍ୟକ୍ଷ ସୁଶାନ୍ତ ଦାସ, ପୂର୍ବତନ ପୌରାଧ୍ୟକ୍ଷା ବୈଜୟନ୍ତୀବାଳା ଲେଙ୍କା, ଉପାଧ୍ୟକ୍ଷ ସୁମନ୍ତ ପାତ୍ର, ପୂର୍ବତନ ପୌରାଧ୍ୟକ୍ଷ ହେମନ୍ତ ସାହୁ, ଜିଲ୍ଲା ଦଳିତସେଲ ସଭାପତି ବାରେଣୀ ସେଠୀ, ପଟ୍ଟାମୁଣ୍ଡାଇ ବ୍ଲକ ବିଜେଡି ସଭାପତି କିଶୋର ସାହୁ, ଉପସଭାପତି ଅରକ୍ଷିତ ସାହୁ, ସୁରେନ୍ଦ୍ର ପଣ୍ଡା ଓ ସର୍ବେଶ୍ୱର ମହାନ୍ତି, ନଗର ବିଜେଡି ସଭାପତି ଭୋଳାନାଥ ପାଢୀ, ବ୍ଲକ ଯୁବବିଜେଡି ସଭାପତି ରଞନ ବିଶ୍ୱାଳ, ମହିଳା ବିଜେଡି ସଭାନେତ୍ରୀ ଜୟନ୍ତୀ ସ୍ୱାଇଁ, ନଗର ଯୁବ ବିଜେଡି ସଭାପତି ମିଟୁ ମନୋଜ ନାୟକ, ନଗର ମହିଳା ସଭାନେତ୍ରୀ ଲାଏନା ଦାଶ, ସମିତିସଭ୍ୟ ସଂଘ ସଭାପତି ଶ୍ରୀକାନ୍ତ ସାହୁ, ଜିଲ୍ଲାପରିଷଦ ସଦସ୍ୟ ପ୍ରଫୁଲ୍ଲ ପ୍ରଧାନ ଓ ସାରଥୀ ଦାସ, ପୂର୍ବତନ ଜିଲ୍ଲାପରିଷଦ ସଦସ୍ୟ ଧର୍ନୁଜୟ ସ୍ୱାଇଁ, ଜିଲ୍ଲା ବିଜେଡି ସଂପାଦକ ଗୋପିବଲ୍ଲଭ ନାୟକ, ଯୁବବିଜେଡି ସାଧାରଣ ସଂପାଦକ ଅଶୋକ ଧଳ, ବ୍ଲକ ବିଜେଡି ସାଧାରଣ ସଂପାଦକ କଳାକାର ପ୍ରଧାନ, ଅଜାମ୍ବର ପ୍ରଧାନ, ଯୁବନେତା ସ୍ୱପ୍ନରଞନ ବେହେରା, ପୂର୍ବତନ ଜିଲ୍ଲାପରିଷଦ ସଦସ୍ୟ ଧନୁର୍ଜ୍ଜୟ ସ୍ୱାଇଁ, ପୂର୍ବତନ ସରପଂଚ ଦେବେନ୍ଦ୍ର ଦାସ, ସୁବାଷ ଦାସ, କିଶୋର ଜେନା, ଗଙ୍ଗାଧର ଦାସ, ଶ୍ରୀମନ୍ତ ଦାସ, ଦିବାକର ସେଠୀ ପ୍ରମୁଖ ବହୁ ବିଜେଡିନେତା. କର୍ମକର୍ତା, ବିଭିନ୍ନ ପଂଚାୟତର ନିର୍ବାଚିତ ପ୍ରତିନିଧି ଓ ମାନ୍ୟଗଣ୍ୟ ବ୍ୟକ୍ତି ତାଙ୍କୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରିବା ସହିତ ଏକ ବିଶାଳ ମୋଟର ସାଇକେଲ ଶୋଭାଯାତ୍ରାରେ ପଟ୍ଟାମୁଣ୍ଡାଇ ବଜାର ସମେତ ବିଭିନ୍ନ ଅଂଚଳ ପରିକ୍ରମା କରାଇଥିଲେ ।