ବାଲୁକା ଶିଳ୍ପୀ ସୁଦର୍ଶନଙ୍କ ଭୋଟର ସଚେତନତା ବାର୍ତା

ପୁରୀ, ୮/୪(ସକାଳଖବର): ଅନ୍ତର୍ଜାତୀୟ ସ୍ତରରେ ଖ୍ୟାତିସମ୍ପନ୍ନ ଓଡ଼ିଆ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ନିଜ ବାଲୁକା କଳା ମାଧ୍ୟମରେ ନିର୍ବାଚନୀ ଋତୁରେ ଭୋଟରଙ୍କ ଉଦେ୍ଧଶ୍ୟରେ ଇଓର ଭୋଟ୍ ଇଓର ଭଏସ୍ ସହିତ ଭୋଟ୍ ଫର୍ ବେଟର୍ ଇଣ୍ଡିଆ ଭଳି ସଚେତନତାର ବାର୍ତା ରଖିଛନ୍ତି । ପୁରୀ ସମୁଦ୍ର ବେଳାଭୂମିରେ ସେ ଏହି ବାଲୁକା କଳା ପ୍ରଦର୍ଶନ କରିଛନ୍ତି । ତାଙ୍କର ଏହି ଅନନ୍ୟ କଳାକୃତି ମାଧ୍ୟମରେ ନିଆରା ଢ଼ଙ୍ଗରେ ସେ ଭୋଟରଙ୍କୁ ସଚେତନ କରିବାକୁ ପ୍ରୟାସ କରିଛନ୍ତି । ରାଜ୍ୟ ତଥା ଦେଶ ବିଦେଶରୁ ପୁରୀ ବେଳାଭୂମି ବୁଲିବାକୁ ଆସୁଥିବା ପର୍ଯ୍ୟଟକ ମାନେ ସୁଦର୍ଶନଙ୍କ ଏହି ବାଲୁକା କଳାକୁ ବେଶ୍ ପସନ୍ଦ କରୁଛନ୍ତି ।