ଦ୍ୱାରଶୁଣି ଘାଟିରେ ୫୦ ଫୁଟ ତଳକୁ ଖସିଲା ଟ୍ରକ, ୨ଗୁରୁତର

ବାଙ୍ଗିରିପୋଷି,୨୭/୩(ସକାଳଖବର): ମୟୂରଭଞ୍ଜ ଜିଲ୍ଲା ମଧ୍ୟ ଦେଇ ଯାଇଥିବା ୪୯ ଜାତୀୟ ରାଜପଥର ବାଙ୍ଗିରିପୋଷି ଥାନା ଅନ୍ତର୍ଗତ ଦ୍ୱାରଶୁଣି ଘାଟିରେ ଘଟିଛି ଦୁର୍ଘଟଣା । ଘାଟି ଉପରୁ ବାଙ୍ଗିରିପୋଷି ଦିଗ ରାସ୍ତାରେ ଏକ ଟ୍ରଲର ତଳକୁ ଓହ୍ଲାଉଥିବା ବେଳେ ଭାରସାମ୍ୟ ହରାଇ ରାସ୍ତା ଉପରୁ ୫୦ ଫୁଟ ପାହାଡ ତଳକୁ ଖସି ପଡିଥିଲେ ଟ୍ରଲର ସହିତ ଚାଳକ । ଖବର ପାଇ ବାଙ୍ଗିରିପୋଷି ଥାନା ପୁଲିସ ଓ ଦମକଳ କର୍ମଚାରୀମାନେ ଘଟଣା ସ୍ଥଳରେ ପହଁଞ୍ଚିି ଚାଳକକୁ ଉଦ୍ଧାର କରି ପ୍ରଥମେ ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ । ପରେ ଆମ୍ବୁଲାନ୍ସ ଯୋଗେ ବାରିପଦା ପିଆରଏମ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ସେହିପରି ଅନ୍ୟ ଏକ ଦୁର୍ଘଟଣାରେ ଡବ୍ଲୁବି୨୩ଡି୭୨୧୧ ଏବଂ ଓଡି୧୧ଏ୪୪୫୭ ନମ୍ବର ୨ ଟ୍ରକ ମଧ୍ୟରେ ମୁହାଁମୁହିଁ ଦୁର୍ଘଟଣା ଘଟିବା ଯୋଗୁଁ ଜଣେ ଟ୍ରକ ଚାଳକ ଆହାତ ହୋଇଥିଲା । ଦମକଳ ବାହିନୀ ତାଙ୍କୁ ମଧ୍ୟ ଉଦ୍ଧାର ବାଙ୍ଗିରିପୋଷି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ ।