ଘରପୋଡ଼ି ରେ ଦୁଇ ଶ୍ରମିକ ଜୀବନ୍ତ ଦଗ୍ଧ

ଅନୁଗୋଳ, ୬/୯ (ସକାଳଖବର): ଜରସିଂହା ଗ୍ରାମରେ ଅଘଟଣ । ଘର ପୋଡି ଦୁଇ ଜଣ ଜୀବନ୍ତ ଦଗ୍ଧ । ମୃତକଙ୍କ ମଧ୍ୟରୁ ଜଣଙ୍କ ନାଁ ନିରାଶ ସୁରି ହୋଇଥିବା ବେଳେ ଅନ୍ୟ ଜଣଙ୍କର ପରିଚୟ ମିଳି ପାରି ନାହିଁ । ବିଳମ୍ବିତ ରାତିରେ ଏହି ଘଟଣା ଘଟିଥିବା ବେଳେ ଆଜି ସନ୍ଧ୍ୟାରେ ଏହା ଜଣା ପଡିବା ପରେ ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଦେହ ଜବତ କରିଛି । ଘଟଣାରୁ ପ୍ରକାଶ ବାହାର ରାଜ୍ୟରୁ ଆସି ଜରସିଂହା ଗ୍ରାମ ଠାରୁ ଦୂରରେ ଥିବା ପଥର କୁଆଁରୀ ଅଞ୍ଚଳରେ କିଛି ଶ୍ରମିକ ଶ୍ରେଣୀୟ ଲୋକ ବସବାସ କରନ୍ତି । ଏମାନେ ମଧ୍ୟ ସେହି ଅଞ୍ଚଳରେ ରହୁଥିବାବେଳେ ତାଙ୍କ ଆଖ ପାଖରେ କେହି ରହୁ ନଥିଲେ । ବିଳମ୍ବିତ ରାତିରେ ଉଭୟ ଶୋଇଥିବାବେଳେ କୌଣସି କାରଣରୁ ସେ ରହିଥିବା ଚାଳିଆ ଘରେ ନିଆଁ ଲାଗିଥିଲା ଏବଂ ଉଭୟ ସେହି ନିଆଁ ରୁ ବାହାରି ନପାରି ମୃତ୍ୟୁ ବରଣ କରିଥିଲେ । ତେବେ ଏକୁଟିଆ ଘର ହୋଇ ଥିବା ଯୋଗୁଁ କେହି ଜାଣି ପାରି ନଥିଲେ । ଆଜି ସନ୍ଧ୍ୟାରେ କେହି ସେହି ଅଞ୍ଚଳକୁ ଯାଇଥିବା ବେଳେ ଏ ଘଟଣା ଦେଖି ପୋଲିସକୁ ଖବର ଦେଇଥିଲା । ଖବର ପାଇ ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଜବତ କରି ତଦନ୍ତ କରୁଛି ।