ଏହି ୭ ରାଜ୍ୟରେ ଅସହ୍ୟ ତାତି ପାଇଁ ସତର୍କ ସୂଚନା ଜାରି
ନୂଆଦିଲ୍ଲୀ: ଜାରି ରହିଛି ଅସହ୍ୟ ତାତି । ତତଲା ତାୱାରେ ସିଝୁଛନ୍ତି ଲୋକେ । ଏବର୍ଷ ମାର୍ଚ୍ଚ ମାସରୁ ପ୍ରବଳ ତାତି ଅନୁଭୂତ ହେଉଛି । ଏହାକୁ ଦୃଷ୍ଟିରେ ରଖି ୭ଟି ରାଜ୍ୟରେ ୫ଦିନ ପାଇଁ ଅସହ୍ୟ ତାତି ସହ ଲୁ ଚେତାବନୀ ଜାରି କରାଯାଇଛି ।
ଜମ୍ମୁ ଡିଭିଜନ୍, ହିମାଚଳ ପ୍ରଦେଶ, ହରିଆଣା, ଦିଲ୍ଲୀ, ଉତ୍ତରପ୍ରଦେଶ, ରାଜସ୍ଥାନ, ମଧ୍ୟପ୍ରଦେଶରେ ପ୍ରବଳ ଗରମ ହେବା ସହିତ ଝାଞ୍ଜି ପବନ ବହିବାର ସମ୍ଭାବନା ଥିବା ଭାରତୀୟ ପାଣିପାଗ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି ।
ଅନ୍ୟପଟେ ଏପ୍ରିଲ ୫ରୁ ୮ ମଧ୍ୟରେ ପଶ୍ଚିମବଙ୍ଗ ଏବଂ ସିକିମ୍ରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ବର୍ଷା ପରେ ତାପମାତ୍ରାରେ କିଛିଟା ପରିବର୍ତ୍ତନ ହେବାର ଆଶା ରହିଛି ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ସେହିପରି ଆଜି ମେଘାଳୟ ଏବଂ ଅରୁଣାଚଳପ୍ରଦେଶରେ ବର୍ଷା ହେବାର ସମ୍ଭାବନା ରହିଛି ।
