ତିନି ନବ ନିର୍ବାଚିତ ରାଜ୍ୟସଭା ସାଂସଦ; ଶପଥ ଗ୍ରହଣ କଲେ

ସକାଳ ଖବର :ଶପଥ ଗ୍ରହଣ କଲେ ତିନି ନବ ନିର୍ବାଚିତ ରାଜ୍ୟସଭା ସାଂସଦ । ରାଜ୍ୟସଭା ସାଂସଦ ଭାବେ ଅଶ୍ୱିନୀ ବୈଷ୍ଣବ, ଦେବାଶିଷ ସାମନ୍ତରାୟ, ଶୁଭାଶିଷ ଖୁଣ୍ଟିଆ ଶପଥ ନେଲେ । ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ ଓଡିଆରେ ଶପଥ ନେଇଛନ୍ତି ।

ଗତ ଫେବୃଆରୀ ୧୩ ତାରିଖରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଦଳର ଅନେକ ବିଧାୟକଙ୍କ ଉପସ୍ଥିତିରେ ବିଜେଡିରୁ ଦୁଇ ଜଣଙ୍କ ନାମାଙ୍କନ ଭରି ଥିବାବେଳେ ଫେବୃଆରୀ ୧୫ ତାରିଖରେ ବିଜେପି ରାଜ୍ୟ ସଭାପତି ମନମୋହନ ସାମଲ ଏବଂ ବିଧାୟକମାନଙ୍କ ସହ ଆସି ନାମାଙ୍କନ ଭରିଥିଲେ ଅଶ୍ୱିନୀ ବୈଷ୍ଣବ। ତେବେ ଆଜି ଅଶ୍ୱିନୀ ବୈଷ୍ଣବ, ଦେବାଶିଷ ସାମନ୍ତରାୟ ଓ ଶୁଭାଶିଷ ଖୁଣ୍ଟିଆ ଦିଲ୍ଲୀ ଯାଇ ସାଂସଦ ଭାବେ ଶପଥ ନେଇଛନ୍ତି । ଉପରାଷ୍ଟ୍ରପତି ଜଗଦୀପ ଧନଖଡ ନୂତନ ସଂସଦ ଗୃହରେ ଏହି ସମସ୍ତ ନେତାଙ୍କୁ ଶପଥ ପାଠ କରାଇଛନ୍ତି । ଏମାନଙ୍କ ବ୍ଯତୀତ ଅନ୍ୟ ୧୪ ନେତା ରାଜ୍ୟସଭା ସାଂସଦ ଭାବରେ ଶପଥ ଗ୍ରହଣ କରିଛନ୍ତି ।କର୍ଣ୍ଣାଟକରୁ କଂଗ୍ରେସ ନେତା ଅଜୟ ମାକେନ୍, ଉତ୍ତରପ୍ରଦେଶରୁ ବିଜେପି ନେତା ଆରପିଏନ୍ ସିଂ, ପଶ୍ଚିମବଙ୍ଗର ବିଜେପି ସଦସ୍ୟ ସମିକ ଭଟ୍ଟାଚାର୍ଯ୍ୟ ରାଜ୍ୟସଭା ସାଂସଦ ଭାବରେ ଶପଥ ଗ୍ରହଣ କରିଛନ୍ତି । ସୋନିଆ