ରସିକିଆ ଡାକ୍ତରଙ୍କ ଦ୍ୱିତୀୟ ପତ୍ନୀ ଗିରଫ
ଭୁବନେଶ୍ୱର: ବହୁପତ୍ନୀକ ନକଲି ଡାକ୍ତର ରମେଶ ସ୍ୱାଇଁଙ୍କ ଦ୍ୱିତୀୟ ପତ୍ନୀ ଗିରଫ ହୋଇଛନ୍ତି । ନକଲି ଡାକ୍ତରଙ୍କ ପତ୍ନୀ ଅସଲି ଡାକ୍ତର କମଳା ସ୍ୱାଇଁକୁ ଝାଡଖଣ୍ଡରୁ କମିଶନରେଟ୍ ପୋଲିସ୍ ଗିରଫ କରିଛି । ଡାକ୍ତର ପତ୍ନୀ କମଳା ଗୁଜୁରାଟର ଜାମନଗରରେ କାମ କରୁଥିଲେ । ରସିକିଆ ରମେଶଙ୍କ କଳା କାରନାମା ପ୍ରଘଟ ହେବା ପରଠୁ ଡାକ୍ତର ପତ୍ନୀ କମଳା ଫେରାର ଥିଲେ ।
ସୂଚନା ଅନୁସାରେ ନକଲି ଡାକ୍ତରଙ୍କର ସତ ମିଛର ପରୀକ୍ଷାରେ ୫ ଘଣ୍ଟାରେ ୫୦ରୁ ଅଧିକ ପ୍ରଶ୍ନର ସାମ୍ନା କଲେ ରସକିଆ ନକଲି ଡାକ୍ତର ରମେଶ ସ୍ୱାଇଁ । ଗୁଡ଼ାଇ ତୁଡ଼ାଇ ପ୍ରଶ୍ନ ବେଳେ ତିନି ଥର ପାଣି ପିଇବା ସହ କାନ୍ଦି ମଧ୍ୟ ପକାଇଥିଲେ ଧୃତ ରମେଶ ।
ରମେଶଙ୍କୁ ରିମାଣ୍ଡରେ ନେଇ ପଚରାଉଚରା ପରେ ତାଙ୍କ କଥାରେ ତାଳମେଳ ରହୁ ନ ଥିବାରୁ ଲାଏ ଡିଟେକ୍ସନ ଟେଷ୍ଟ ପାଇଁ ଅନୁମତି ମାଗିଥିଲେ ଭୁବନେଶ୍ୱର ଡିସିପି। କୋର୍ଟଙ୍କ ଅନୁମତି ପରେ ରମେଶଙ୍କର ହୋଇଥିଲା ମିଛ ଧରା ପରୀକ୍ଷା । ମିଛ ଧରା ପରୀକ୍ଷା ରମେଶ୍ ଅଧାରୁ ଅଧିକ ପ୍ରଶ୍ନର ଉତ୍ତର ମିଛ ଦେଇଥିଲେ ।
ରମେଶଙ୍କ କଳା କାରନାମା ବାବଦରେ କମିଶନରେଟ ପୁଲିସ୍ ତାଙ୍କ ପ୍ରଥମ ସ୍ତ୍ରୀଙ୍କୁ ଆଣି ଗୁଡାଇତୁଡାଇ ପଚାରି ଥିଲା ।
ନକଲି ଡକ୍ଟର ରମେଶ ସ୍ୱାଇଁ ଏକାଧିକ ମହିଳାଙ୍କୁ ପ୍ରେମ ଜାଲରେ ଫସାଇ ବିବାହ କରିଥିବା ଷଡ଼ଯନ୍ତ୍ରରେ ରମେଶଙ୍କ ଡ୍ରାଇଭର ପପୁ ସିଧାସଳଖ ଜଡ଼ିତ ଥିବା ପୁଲିସ୍ ପ୍ରମାଣ ପାଇଲା ପରେ ତାକୁ ଆଣି ଗୁହେଇ ତୁଡେଇ ପ୍ରଶ୍ନ କରିଥିଲା ।
