ମୋଦିଙ୍କୁ ହତ୍ୟା ଷଡ଼ଯନ୍ତ୍ର ଅଭିଯୋଗରେ ବାରବରା ରାଓ ଗିରଫ
ଭୁବନେଶ୍ୱର, ୨୮/୮ (ସକାଳଖବର): ପ୍ରଧାନମନ୍ତ୍ରୀଙ୍କୁ ହତ୍ୟା କରିବା ନେଇ ଷଡ଼ଯନ୍ତ୍ର କରିଥିବା ଅଭିଯୋଗରେ ଆନ୍ଧ୍ରର ବିଶିଷ୍ଟ ବିପ୍ଳବୀ କବି ତଥା ମାଓ ଚିନ୍ତକ ବାରବରା ରାଓଙ୍କୁ ପୁଣେ ପୋଲିସ ହାଇଦ୍ରାବାଦରୁ ଗିରଫ କରିଛି । ଶ୍ରୀ ରାଓଙ୍କ ସମେତ ୮ ଜଣଙ୍କୁ ଗିରଫ କରାଯାଇଛି । ଏଥିମଧ୍ୟରେ ୨ ଜଣ ସାମ୍ବାଦିକ ଓ ଜଣେ ପ୍ରଫେସର ଅଛନ୍ତି ।ପୁଣେ ପୁଲିସ୍ ଶ୍ରୀ ରାଓଙ୍କ ପରିବାର ଓ ସମ୍ପର୍କୀୟଙ୍କ ଘରେ ଚଢ଼ଉ କରିବା ପରେ ତାଙ୍କୁ ହାଇଦ୍ରାବାଦ୍ରୁ ଗିରଫ କରିଛି। ଗିରଫ ହେବା ପରେ ଶ୍ରୀ ରାଓଙ୍କୁ ଗାନ୍ଧି ହସ୍ପିଟାଲ୍ରେ ମେଡିକାଲ୍ ଚେକ୍-ଅପ୍ ପାଇଁ ପଠାଯାଇଥିଲା। ଏହାପରେ ତାଙ୍କୁ କୋର୍ଟରେ ହାଜର କରାଯାଇ ପୁଣେ ନିଆଯାଇଛି।ପୁଲିସ୍ ଏପରି କାର୍ୟ୍ୟାନୁଷ୍ଠାନକୁ ସାମାଜିକ କର୍ମୀ ତଥା ପ୍ରଖ୍ୟାତ ଲେଖକ ଅରୁନ୍ଧତୀ ରାୟ ବିରୋଧ କରିଛନ୍ତି।
