ବିବାଦ ଘେରରେ ସାତକୋଶିଆ; ପୁଣି ହାତୀ ମୃତ୍ୟୁ

ଅନୁଗୋଳ , ୨୪/୧୧ (ସକାଳଖବର): ସାତକୋଶିଆକୁ ବିବାଦ ପିଛା ଛାଡ଼ୁନି । କେତେବେଳେ ବାଘ ମୃତ୍ୟୁତ ଆଉ କେତେବେଳେ ହାତୀମୃତ୍ୟୁ । ଯଦ୍ୱାରା ସରକାରଙ୍କର କୋଟି କୋଟି ଟଙ୍କା ପାଣି ପଡ଼ୁଥିବା ଜଣାଯାଇଛି । କିଛି ଦିନ ତଳେ ମହାବୀର ନାମକ ମହାବଳ ମୃତ୍ୟୃ ଘଟିଥିବା ବେଳେ ପୁଣି ଏକ ହାତୀର ମୃତ୍ୟୁ ଘଟିଛି । ଘଟଣାରୁ ପ୍ରକାଶ ଯେ,ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ଜିଲିଣ୍ଡା ରେଞ୍ଜ ଜୁଡ଼ୁମୁ ରିଜର୍ଭ ଜଙ୍ଗଲ ବ୍ଲକ ୧ର କମ୍ପାର୍ଟମେଣ୍ଟ ୨ରେ ଏକ ଛୁଆ ହାତୀର ମୃତ୍ୟୁ ହୋଇଛି । ଏ ସମ୍ପର୍କରେ ଗୁରୁବାର ସନ୍ଧ୍ୟାରେ ବନ ବିଭାଗକୁ ଖବର ମିଳିଥିଲା । ଶୁକ୍ରବାର ସକାଳେ ଜିଲିଣ୍ଡା ରେଞ୍ଜର ହରିଶ ପ୍ରଧାନ, ଏସିଏଫ ଆର.କେ, ସ୍ୱାଇଁ, ସାତକୋଶିଆ ପ୍ରାଣୀ ଡ଼ାକ୍ତର ଡ଼. କିଶୋର କୁମାର ସାହୁ ନରସିଂହପୁର କମଳାଡ଼ିହର ଡ଼ାକ୍ତର ଦୁର୍ଗାପ୍ରସାଦ ହୋତା, ଘନଶ୍ୟାମ ନାୟକ ପହଞ୍ଚô ମୃତଦେହ ଜବତ କରିଥିଲେ । ବ୍ୟବଚ୍ଛେଦ ବେଳେ ଦୁଇଟି ଦାନ୍ତ ଉଦ୍ଧାର କରାଯାଇଛି । ମୃତ ହାତୀର ବୟସ ୪ ରୁ ୫ ବର୍ଷ ମଧ୍ୟରେ ଓ ସଂକ୍ରମଣ ଯୋଗୁ ମୃତ୍ୟୁ ଘଟିଥିବା ଜଣାପଡ଼ିଛି ।