ବିଜେଡି ଛାଡିଲେ ମୋରଡା ବିଧାୟକ ପ୍ରବୀଣ ଭଞ୍ଜଦେଓ
ଭୁବନେଶ୍ୱର,୧/୪(ସକାଳଖବର): ମୋରଡ଼ା ବିଧାୟକ ପ୍ରବୀଣଚନ୍ଦ୍ର ଭଞ୍ଜଦେଓ ସୋମବାର ବିଜେଡି ଛାଡିଛନ୍ତି । ସେ ମୟୂରଭଞ୍ଜ ଜିଲ୍ଲା ବିଜେଡିର ସଭାପତି ମଧ୍ୟ ଥିଲେ । ସେ ଦଳର ପ୍ରାଥମିକ ସଦସ୍ୟତା ସହିତ ଜିଲ୍ଲା ସଭାପତି ପଦରୁ ମଧ୍ୟ ଇସ୍ତଫା ଦେଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ସେ ତାଙ୍କ ଇସ୍ତଫାପତ୍ର ପଠାଇ ଦେଇଛନ୍ତି । ତାଙ୍କ ଇସ୍ତଫାର କାରଣ ସଂପର୍କରେ ଇସ୍ତଫାପତ୍ରରେ କିଛି ଉଲ୍ଲେଖ କରି ନାହାନ୍ତି ।ସେହିପରି କେଉଁ ଦଳକୁ ଯିବେ, ସେ ନେଇ କିଛି ସ୍ପଷ୍ଟ ହୋଇନି ।
ତେବେ ବିଜେଡିରେ ରାଜକିଶୋର ଦାସ ମିଶିବା ପରେ ସେ ଅସନ୍ତୁଷ୍ଟ ଥିଲେ । ଏପରିକି ତାଙ୍କ ସ୍ଥାନରେ ରାଜ କିଶୋରଙ୍କୁ ଟିକେଟ୍ ଦିଆଯିବା ନେଇ ଆଗୁଆ ସୂଚନା ପାଇଥିଲେ । ସେଥିପାଇଁ ଦଳ ଛାଡିଥିବା ଅନୁମାନ କରାଯାଇଛି ।
