ବରମୁଣ୍ଡା ଫ୍ଲାଏ ଓଭରବ୍ରିଜ୍ରେ ସିରିଜ୍ ଦୁର୍ଘଟଣା, ୫ ଆହତ
ଭୁବନେଶ୍ୱର ୦୨।୦୫: ଭୁବନେଶ୍ୱର ବରମୁଣ୍ଡା ଫ୍ଲାଏ ଓଭର ବ୍ରିଜ୍ରେ ସିରିଜ ଦୁର୍ଘଟଣା। ପଛକୁ ପଛ ପିଟିହେଲେ ସ୍କୁଟର , ଏକ କାର, ଏକ ସଫେଇ ଗାଡ଼ି ଏବଂ ଟ୍ରକ। ଏଥିରେ ୫ ଜଣ ଆହତ ହୋଇଥିବା ବେଳେ ସ୍କୁଟର ଚାଳକଙ୍କ ଅବସ୍ଥା ଗୁରୁତର ରହିଛି।
ଖବର ଅନୁଯାୟୀ, ପ୍ରଥମେ ସ୍କୁଟରକୁ ପଛରୁ ଧକ୍କା ଦେଇଥିଲା କାର। ସ୍କୁଟର ଚାଳକ ଜାତୀୟ ରାଜପଥ ଉପରେ ଛିଟିକି ପଡ଼ିଥିଲେ। ଏହି ସମୟରେ ଜାତୀୟ ରାଜପଥ ସଫେଇ କରିଥିବା ଗାଡ଼ି ବ୍ରେକ ମାରିବାରୁ ପଛରେ ଆସୁଥିବା ଟ୍ରକ୍ ସଫେଇ ଗାଡ଼ିକୁ ପିଟିଥିଲା। ଏଥିସହିତ ଏକ ବାଇକକୁ ଧକା ଦେଇଥିଲା । ଏ ଦୁର୍ଘଟଣାରେ ମୋଟ ୫ ଜଣ ଆହତ ହୋଇଛନ୍ତି। ଆହତ ସ୍କୁଟର ଚାଳକଙ୍କ ଅବସ୍ଥା ସଙ୍କଟପନ୍ନ ରହିଛି । ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଆହତଙ୍କୁ ହସ୍ପିଟାଲ ନେବା ସହ ଟ୍ରାଫିକ ନିୟନ୍ତ୍ରଣ କରିଥିଲେ।
