ପୂର୍ବତନ ମନ୍ତ୍ରୀ ସୀତାକାନ୍ତଙ୍କୁ ମଉସା ଡାକିଲେ ପୁଲିସ,କଂଗ୍ରେସ କର୍ମୀ କ୍ଷୁବ୍ଧ

ଭୁବନେଶ୍ୱର, ୬/୬(ସକାଳଖବର) : ପୂର୍ବତନ ମନ୍ତ୍ରୀ ସୀତାକାନ୍ତ ମହାପାତ୍ରଙ୍କୁ ଚିହ୍ନି ପାରିଲେନି ପୁଲିସ୍ ବାବୁ । ଚକାଜାମ୍ ଆନେ୍ଦାଳନରେ ସାମିଲ ଥିବା ସୀତାକାନ୍ତଙ୍କୁ ମଉସା ଡାକିଦେଲେ । କହିଲେ ମଉସା, ଟିକେ ସାଇଡ଼ ହୁଅ । ବାସ୍ ଏତିକିରେ କଂଗ୍ରେସ କର୍ମୀମାନେ ରାଗିପାଚି ଲାଲ । ସିଧାସିଧା ପୁଲିସ ବାବୁଙ୍କ ଉପରେ ବର୍ଷିଲେ । ଚିହ୍ନି ନପାରି ଭୁଲରେ ଏମିତି ହୋଇଯାଇଛି ବୋଲି ପୁଲିସ ବାବୁ ଜଣଙ୍କ କହିଥିଲେ ମଧ୍ୟ କଂଗ୍ରେସ କର୍ମୀ ଶୁଣିବା ଅବସ୍ଥାରେ ନଥିଲେ । ପୂର୍ବତନ ମନ୍ତ୍ରୀଙ୍କୁ ଚିହ୍ନି ପାରୁନ ? ପୁଲିସ ଚାକିରୀ କରିଛ ବୋଲି ମଣିଷ ମାନୁନ ? ଏମିତି ଢଙ୍ଗରେ ପୁଲିସ ଉପରେ ବର୍ଷିଥିଲେ ଯୁବ କଂଗ୍ରେସ ନେତା । ପୁଲିସ ଏଏସଆଇ ଓ ଯୁବ ନେତାଙ୍କ ମଧ୍ୟରେ ଢେ଼ର ସମୟ କଥା କଟାକଟି ହେବା ପରେ ସୀତାକାନ୍ତ ମହାପାତ୍ର ହସ୍ତକ୍ଷେପ କରିବାକୁ ବାଧ୍ୟ ହୋଇଥିଲେ । ସୀତାକାନ୍ତ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଥିଲା ।