ନିଖୋଜ ନାବାଳକ ଦିଲ୍ଲୀରୁ ଉଦ୍ଧାର

କଟକ,୪ା୫(ସକାଳଖବର): ନୂଆପଡାସ୍ଥିତ ଉକ୍ରଳ ବାଳାଶ୍ରମରୁ ୩ମାସ ତଳେ ନିଖୋଜ ହୋଇଥିବା ନାବାଳକ ଦିଲ୍ଲୀରେ ଉଦ୍ଧାର ହୋଇଛି । ତେବେ ଦିଲ୍ଲୀ ପୁଲିସ ଗୁରୁବାର ସିଡବ୍ଲୁ୍ୟସି ନିକଟରେ ସେହି ନାବାଳକକୁ ହାଜର କରିବା ସହ ହସ୍ତାନ୍ତର କରିଥିବା ସିଡବ୍ଲୁ୍ୟସି ସଦସ୍ୟ ଆଇନଜୀବୀ ପ୍ରଦୀପ ପଟ୍ଟନାୟକ ଓ ସୁଜାତା ପଟ୍ଟନାୟକ ସୂଚନା ଦେଇଛନ୍ତି । ଅନ୍ୟପକ୍ଷରେ ସିଡବ୍ଲୁ୍ୟସି ନାବାଳକର ଅଭିଭାବକଙ୍କୁ ଡକାଇ ପିଲାକୁ ହସ୍ତାନ୍ତର କରିବା ପାଇଁ ଚାହିଁଥିବାବେଳେ ସେମାନେ ପିଲାକୁ ନେବାକୁ ଅମଙ୍ଗ ହୋଇଥିଲେ । ଫଳରେ ସେହି ବାଳକକୁ ବସୁନ୍ଧରାରେ ରଖାଯାଇ ତାଙ୍କ ପିତାମାତାଙ୍କୁ ବୁଝାସୁଝା କରାଯାଉଥିବାବେଳେ ପିଲାଟି ଦୁଷ୍ଟ ପ୍ରକୃତିର ଥିବାରୁ ସେମାନେ ଘରକୁ ନେବାକୁ ରାଜି ନଥିବା ସଦସ୍ୟ ଶ୍ରୀ ପଟ୍ଟନାୟକ କହିଛନ୍ତି । ରାଜାବଗିଚା ଅଞ୍ଚଳରେ ରହୁଥିବା ନାବାଳକ ପିତା ଏକ ମାର୍ବଲ ଦୋକାନରେ କାମ କରୁଥିବାବେଳେ ମାଆ ଜଣେ ଆଇନଜୀବୀଙ୍କ ଘରେ କାମଧନ୍ଦା କରୁଛନ୍ତି ।