ନାଟକ “ନୟନପୁର ଏକ୍ସପ୍ରେସ” ମଞ୍ଚସ୍ଥ

ଅନୁଗୋଳ,୨୯/୧ (ସକାଳଖବର):ଅନୁଗୋଳ ବାସନ୍ତୀ ଦୁର୍ଗା ପଡ଼ିଆଠାରେ ନାଟ୍ୟମ ଅନୁଷ୍ଠାନ ପକ୍ଷରୁ ଚାଲିଥିବା ନାଟ୍ୟମେଳାର ନାଟକ ନୟନପୁର ଏକ୍ସପ୍ରେସ ପରିବେଷଣ କରାଯାଇଥିଲା । ରଙ୍ଗମଞ୍ଚ ରାଉରକେଲାର କଳାକାରମାନେ ଏହି ନାଟକ ମଞ୍ଚସ୍ଥ କରିଥିଲେ । ଯୁବକ ନରେନର କାହାଣୀକୁ ନେଇ ନୟନପୁର ଏକ୍ସପ୍ରେସ ପ୍ରସ୍ତୁତି ହୋଇଛି । କଥାକାର ସୁରେନ୍ଦ୍ର ମହାନ୍ତିଙ୍କ ଏକ କାଳଜୟୀ ସୃଷ୍ଟିକୁ ଡ଼.ସଞ୍ଜୟ ହାତୀ ନାଟ୍ୟ ରୂପାନ୍ତର ଦେଇଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ତାମଡ଼ା ଅଧ୍ୟକ୍ଷ ଶକ୍ତିପ୍ରସାଦ ପଟ୍ଟନାୟକ, ଜିଲ୍ଲା ସଂସ୍କୃତି ଅଧିକାରୀ ମହେନ୍ଦ୍ର ସାହୁ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ ।