ଡ୍ରାଇଭର୍ଙ୍କ ହୃଦ୍ଘାତ ଯୋଗୁଁ ଗୁଜରାଟ ରାଜପଥରେ ବସ୍-ଏସ୍ୟୁଭି ଧକ୍କା; ୯ ମୃତ, ୨୮ ଆହତ
ନୂଆଦିଲ୍ଲୀ: ଆଜି ପ୍ରତ୍ୟୁଷରେ ଗୁଜରାଟର ନବସାରୀ ଜିଲ୍ଲାରେ ଗୋଟାଏ ବସ୍ ଓ ଏସ୍ୟୁଭି ପରସ୍ପର ସହିତ ଧକ୍କା ଖାଇବାରୁ ୯ଜଣ ଲୋକଙ୍କର ମୃତ୍ୟୁ ଘଟିଛି ଓ ଆଉ ୨୮ଜଣ ଆହତ ହୋଇଥିବା କଥା ପୁଲିସ କହିଛି।
ସଂଗୃହୀତ ସୂଚନା ଅନୁସାରେ, ସୁରତରେ ଅନୁଷ୍ଠିତ ‘ପ୍ରମୁଖ ସ୍ବାମୀ ମହାରାଜ ଶତାବ୍ଦୀ ମହୋତ୍ସବ’ କାର୍ଯ୍ୟକ୍ରମରୁ ଲୋକ ନେଇ ଗୋଟାଏ ବସ୍ ଫେରୁଥିଲା। ନବସାରୀ ଜିଲ୍ଲା ଦେଇ ପଡ଼ିଥିବା ୪୮ ନମ୍ବର ଜାତୀୟ ରାଜପଥରେ ଡ୍ରାଇଭର୍ଙ୍କର ହୃଦ୍ଘାତ ହେବାରୁ ସେ ବସ୍ ଉପରୁ ନିୟନ୍ତ୍ରଣ ହରାଇଲେ ଏବଂ ବସ୍ଟି ସେ ରାସ୍ତାରେ ଆସୁଥିବା ଏକ ‘ଟୋୟୋଟା ଫର୍ଚୁନର୍’ କାର୍ ସହିତ ଧକ୍କା ଖାଇଥିଲା। ଚିକିତ୍ସା ନିମନ୍ତେ ବସ୍ ଡ୍ରାଇଭର୍ଙ୍କୁ ଡାକ୍ତରଖାନା ନିଆଯାଇଥିଲା, କିନ୍ତୁ ସେଠାରେ ତାଙ୍କର ମୃତ୍ୟୁ ଘଟିଲା।
