ଜମ୍ମୁ ଓ କଶ୍ମୀରର ସିଧରାରେ ନିରାପତ୍ତା ବଳ ସହିତ ଗୁଳି ବିନିମୟ କରି ୩ ଆତଙ୍କବାଦୀ ନିହତ
ଶ୍ରୀନଗର: ଆଜି ନିରାପତ୍ତା ବଳଙ୍କ ସହିତ ସ୍ବଳ୍ପ ସମୟ ଗୁଳି ବିନିମୟ ପରେ ଜମ୍ମୁ ଓ କଶ୍ମୀରର ସିଧରାର ଆତ୍ମଗୋପନ କରିଥିବା ୩ଜଣ ଆତଙ୍କବାଦୀ ନିହତ ହୋଇଥିବା କଥା ପୁଲିସ ସୂତ୍ରରୁ ପ୍ରକାଶ।
ଜମ୍ମୁ ଓ କଶ୍ମୀର ‘ଏଡିଜିପି’ କହିଛନ୍ତି ଯେ, ଗୁଳି ବିନିମୟ ଘଟିବା ସମୟରେ ଆତଙ୍କବାଦୀମାନେ ଗୋଟାଏ ଟ୍ରକ୍ରେ ଥିଲେ। ଏନ୍କଉଣ୍ଟର୍ରେ ୩ଜଣଯାକ ଆତଙ୍କବାଦୀ ନିହତ ହୋଇଛନ୍ତି।ଉଧମପୁରରେ ଆତଙ୍କବାଦୀ ଆକ୍ରମଣ ଏଡ଼ାଇ ଦିଆଯିବାର ଦିନକ ପରେ ଆଜି ସକାଳୁ ପଞ୍ଜତିର୍ଥୀ- ସିଧରା ରାସ୍ତାରେ ନିରାପତ୍ତା ବଳ ଓ ଆତଙ୍କବାଦୀମାନଙ୍କ ମଧ୍ୟରେ ଭୀଷଣ ଗୁଳି ବିନିମୟ ଆରମ୍ଭ ହୋଇଥିଲା। ଗୁଳି ବିନିମୟ ପରେ ପରେ ସେଠାରେ ଗ୍ରେନେଡ୍ ବିସ୍ଫୋରଣ ମଧ୍ୟ ଘଟିଥିଲା।
