କଂଗ୍ରେସ କରିବ ମହାମିଶ୍ରଣ ପର୍ବ

ଭୁବନେଶ୍ୱର, ୬/୬ (ସକାଳଖବର): ଚକାଜାମ ଆନେ୍ଦାଳନ ପରେ କଂଗ୍ରେସ ପୁଣି ଜୋରଦାର କାର୍ଯ୍ୟକ୍ରମ ପାଇର୍ ଅଂଟା ଭିଡ଼ିଛି । ଭୁବନେଶ୍ୱରରେ ଏକ ମହାମିଶ୍ରଣ ପର୍ବ ଆୟୋଜନ କରିବାକୁ ଯୋଜନା କରିଛି । ଏଥିରେ ବିଜେଡି ଓ ବିଜେପିର ବହୁ ନେତା ଓ କର୍ମକର୍ତାଙ୍କୁ ମିଶାଇ ନିଜର ଶକ୍ତି ପ୍ରଦର୍ଶନ କରିବ ବୋଲି ପ୍ରସ୍ତୁତି ଆରମ୍ଭ କରିଦେଇଛି । ଏଥିପାଇଁ ଓଡ଼ିଶାରେ ପହଁଚିଛନ୍ତି କଂଗ୍ରେସର ଓଡ଼ିଶା ପ୍ରଭାରୀ ଜିତେନ୍ଦ୍ର ସିଂହ । ଗଜପତି ଜିଲ୍ଲା ପାରଳାଖେମୁଣ୍ଡିରେ କଂଗ୍ରେସ ପକ୍ଷରୁ ଏକ ମିଶ୍ରଣ ପର୍ବ ଆୟୋଜନ କରାଯାଇ ବହୁ ବିଜେଡି ଓ ବିଜେପି ନେତାଙ୍କୁ ସାମିଲ୍ କରାଯାଇଛି । ସେହିପରି ଆସନ୍ତାକାଲି ଅର୍ଥାତ୍ ୬ ତାରିଖରେ ଭଦ୍ରକରେ ମଧ୍ୟ ମିଶ୍ରଣ ପର୍ବର ଆୟୋଜନ କରୁଛି । ଏହିସବୁ ମିଶ୍ରଣ ପର୍ବରେ ପିସିସି ସଭାପତି ନିରଞ୍ଜନ ପଟ୍ଟନାୟକ ଓ ପ୍ରଭାରୀ ଜିତେନ୍ଦ୍ର ସିଂହ ମଧ୍ୟ ଯୋଗଦେବାର କାର୍ଯ୍ୟକ୍ରମ ରହିଛି । ସେଠାରୁ ଆନନ୍ଦପୁର ଗସ୍ତ କରି ବରିଷ୍ଠ ନେତା ଜୟଦେବ ଜେନାଙ୍କ ଦିବଙ୍ଗତ ପତ୍ନୀଙ୍କ ଏକାଦଶାହ କାର୍ଯ୍ୟକ୍ରମରେ ଯୋଗଦେବେ । ସେଠାରୁ ଆସିବା ପରେ ଭୁବନେଶ୍ୱରରେ ଏକ ମହାମିଶ୍ରଣ ପର୍ବର ଆୟୋଜନ ହେବ ।