ଗୁଳିକାଣ୍ଡରେ ଜଣଙ୍କର ମୃତ୍ୟୁ
ଢେଙ୍କାନାଳ: ଜିଲ୍ଲା ସଦର ଥାନା କନ୍ଧପାଳ ଗାଁରେ ଗୁଳିକାଣ୍ଡ । ଏଥିରେ ଜଣଙ୍କର ମୃତ୍ୟୁ ହୋଇଥିବା ସୂଚନା । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସୂଚନା ଅନୁସାରେ, ଢେଙ୍କାନାଳ ଜିଲ୍ଲା ସଦର ଥାନା କନ୍ଧପାଳ ଗାଁରେ ଦୁଇ ପରିବାର ମଧ୍ୟରେ ଜମିଜମାକୁ ନେଇ ବିବାଦ ରହିଥିଲା । ପରେ ପୋଖରୀ ଖୋଳାକୁ ନେଇ ଏ ବିବାଦ ଉଗ୍ର ରୂପ ନେଇଥିଲା ।
ଫଳରେ କନ୍ଧପାଳର ଦଳେଇ ନାୟକଙ୍କୁ ତିନିରୁ ୪ ଜଣ ଦୁର୍ବୃତ୍ତ ଗୁଳି କରିଥିଲେ । ଫଳରେ ଘଟଣାସ୍ଥଳରେ ଦଳେଇ ନାୟକଙ୍କ ମୃତ୍ୟୁ ହୋଇଯାଇଥିଲା । ଘଟଣାସ୍ଥଳରୁ ଅଭିଯୁକ୍ତମାନେ ଫେରାର ହୋଇଯାଇଥିବା ସୂଚନା ମିଳିଛି । ପୋଲିସ ଘଟଣାର ଛାନଭିନ ଆରମ୍ଭ କରିଛି ।
