ଆରସିବିର ମୁଖ୍ୟ କୋଚ୍ ହେଲେ ସଞ୍ଜୟ ବାଙ୍ଗର
ବେଙ୍ଗାଲୁରୁ: ଆସନ୍ତାବର୍ଷର ଆଇପିଏଲ ପୂର୍ବରୁ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ପକ୍ଷରୁ ବଡ଼ ଘୋଷଣା କରାଯାଇଛି। ମଙ୍ଗଳବାର ଆରିସିବି ଆଗାମୀ ଦୁଇ ବର୍ଷ ପାଇଁ ସଞ୍ଜୟ ବାଙ୍ଗରଙ୍କୁ ଦଳର ମୁଖ୍ୟ କୋଚ୍ ଭାବେ ନିଯୁକ୍ତି ଦେଇଛି। ବାଙ୍ଗର ଅଷ୍ଟ୍ରେଲିଆର ପୂର୍ବତନ ବ୍ୟାଟସମ୍ୟାଚ୍ ସିମୋନ କାଟିଚ୍ଙ୍କ ସ୍ଥାନରେ ଏହି ଦାୟିତ୍ୱ ପାଇଛନ୍ତି। ତେବେ ପୂର୍ବଭଳି ମାଇକ ହେସୋନ ଆରସିବିର ନିର୍ଦ୍ଦେଶକ ଭାବେ କାମ କରିବେ।
ଆଇପିଏଲ ୨୦୨୧ରେ ସଞ୍ଜୟ ବାଙ୍ଗର ଆରସିବିର ବ୍ୟାଟିଂ ପରାମର୍ଶଦାତା ଭାବେ କାମ କରୁଥିଲେ। ଏହାପୂର୍ବରୁ ସେ ଟିମ୍ ଇଣ୍ଡିଆର ବ୍ୟାଟିଂ କୋଚ୍ ଥିଲେ। ଟିମ୍ ଇଣ୍ଡିଆ ସହ କାର୍ଯ୍ୟକାଳ ଶେଷ ହେବା ପରେ ସେ ଆରସିବି କ୍ୟାମ୍ପରେ ଯୋଗଦେଇଥିଲେ। ୨୦୨୧ ଆଇପିଏଲ କରୋନା ପାଇଁ ଦୁଇ ଭାଗରେ ଖେଳା ଯାଇଥିଲା।
